നിലയ്ക്കാത്ത താരാട്ടും
മീട്ടുന്ന സ്നേഹവീണയും
ജീവനുള്ള ചങ്ങാത്തവും
ഉണരുന്ന സ്വപ്നങ്ങളും
നന്മയുള്ള ചിന്തകളും
പൂ വിരിയട്ടെ.......
കുഞ്ഞുവലിയ മനസ്സുകളില്‍
-കെ.സുധ ടീച്ചര്‍
എ.യു.പി.സ്കൂള്‍ ചിറ്റിലഞ്ചേരി
Showing posts with label കവിത. Show all posts
Showing posts with label കവിത. Show all posts
Thursday, 5 September 2013
വഴിവിളക്ക്
നിലയ്ക്കാത്ത താരാട്ടും
മീട്ടുന്ന സ്നേഹവീണയും
ജീവനുള്ള ചങ്ങാത്തവും
ഉണരുന്ന സ്വപ്നങ്ങളും
നന്മയുള്ള ചിന്തകളും
പൂ വിരിയട്ടെ.......
കുഞ്ഞുവലിയ മനസ്സുകളില്‍
-കെ.സുധ ടീച്ചര്‍
എ.യു.പി.സ്കൂള്‍ ചിറ്റിലഞ്ചേരി
Sunday, 22 April 2012
കാത്തിരിപ്പിന്റെ സുഖം
മഴയുടെ തണുത്ത സ്പര്‍ശത്തിനായ്
ഓരോ മനസ്സും കാത്തിരുന്നു
പ്രകൃതിയെ തഴുകുന്ന ചാരുതയ്ക്കായ്
ഓരോ കിനാവും കോര്‍ത്തിണക്കി
മലയാളി തോറ്റു തപസ്സിരുന്നു
മഴയുടെ ചാരുത സ്പര്‍ശത്തിനായ്
ഓരോ കുളിരേകും പൂമുത്തുകള്‍ക്കായ്
നാളുകളേറെ നോറ്റിരുന്നു
കാണാകിനാവിനു കുളിരുനല്‍കാന്‍
മലയാളനാട് മുഴുവന്‍ കാത്തിരുന്നു.]
സ്നേഹ.എസ്,
7 E, എ.യു.പി. സ്കൂള്‍ ചിറ്റിലഞ്ചേരി
ആറാട്ട്
ഇരുണ്ട കാര്‍മേഘമിതാ
മാനത്തെ വളഞ്ഞു
കൊട്ടും പാട്ടുമായിതാ
മഴത്തുള്ളികളെഴുന്നള്ളി
മിന്നിത്തിളങ്ങിയോരോ തുള്ളിയും
ഭൂമിയെ തൊട്ടുകുളിരണിയിച്ചു.
- സുധീഷ് 7 E,
എ.യു.പി.സ്കൂള്‍, ചിറ്റിലഞ്ചേരി
മഴയുടെ ചാരുത (കവിത)
മലയാളിയുടെ മലരെ
തനുത്ത കുളിരെ
പെയ്തിറങ്ങിയ കുളിരെ
മഴയെ-സ്പര്‍ശിക്കെന്‍ മനസ്സിനെ!
കാത്തിരിപ്പിന്റെ ഒരാണ്ടുകാലത്തിനായ്
പുതുമണ്‍ സുഗന്ധത്തിലാറാടിടാന്‍
പ്രകൃതിയ്ക്കു ചാരുതയേന്തിടാന്‍
പൂമഴെ, ഒന്നു വരില്ലെ !
കാറ്റില്‍ കുടിലിനെ തകര്‍ത്തിടാതെ
കേരളം വെള്ളത്തില്‍ മുങ്ങിടാതെ
മനസ്സിലായി പേടി പരത്തിടാതെ
സ്നേഹത്തിന്‍ കടലെ ഒന്നു വാ....
- അഞ്ജലി
7.E, എ.യു.പി.സ്കൂള്‍,ചിറ്റിലഞ്ചേരി
7.E, എ.യു.പി.സ്കൂള്‍,ചിറ്റിലഞ്ചേരി
Friday, 20 April 2012
മലയാള കവിത
കുമാരനാശാന്‍ (1873-1924)
- മഹാകാവ്യം രചിക്കാതെ മഹാകവിയായി അംഗീകരിക്കപ്പെട്ട പ്രതിഭാശാലി - കുമാരനാശാന്‍
- സാഹിത്യത്തില്‍ ആശാന്റെ ഗുരു - ഏ .ആര് രാജരാജവര്‍മ്മ
- ആശാന്റെ ആദ്ധ്യാത്മികഗുരു - ശ്രീനാരായണഗുരു
- ആശാന്റെ സ്ത്രോത്രകൃതികളില്‍ പ്രധാനപ്പെട്ടവ – സുബ്രഹ്മണ്യശതകം , നിജനന്ദവിലാസം , ശിവസുരഭി , വിഭുതി പരമപഞ്ചകം , അനുഗ്രഹപരമദശകം , ഭക്തവിലാസം , ശിവസ്ത്രോത്രമാല
- ആശാന്റെ ഖണ്ഡകാവ്യങ്ങള്‍ - വീണപൂവ്‌ , നളിനി , ലീല, പ്രരോദനം , ചിന്താവിഷ്ടയായ സീത , ദുരവസ്ഥ , ചണ്ഡാലഭിക്ഷുകി , കരുണ
- എ.ആര് അവതാരിക എഴുതിയ ആശാന്റെ കൃതി - നളിനി
- ആത്മാംശത്തിന്റെ സാന്നിദ്ധ്യമുള്ള ആശാന്റെ കവിത – ഗ്രാമവൃക്ഷത്തിലെ കുയില്‍
- ആശാന്റെ ലഘുകാവ്യങ്ങള്‍ സമാഹരിച്ച കൃതികള്‍ - വനമാല , മണിമാല , പുഷ്പവാടി
- ആശാന്റെ കാവ്യോത്സവത്തിന്റെ കൊടികയറ്റമായിരുന്ന കൃതി - വീണപൂവ്‌
- മലയാളത്തിലെ ആദ്യത്തെ സിംബോളിക് കവിത – വീണപൂവ്‌
- ' ഒരു സ്നേഹം ' എന്ന് കൂടി പേരുള്ള ആശാന്‍ കൃതി - നളിനി
- വീണപൂവിന്റെ ഇതിവൃത്തം - സ്വഭാവമഹിമയുള്ള ഒരു വ്യക്തിയുടെ മരണം
- ആശാന്‍ എഴുതിയ വിലാപകാവ്യം - പ്രരോദനം
- മലയാളത്തിലെ ആദ്യത്തെ ഫ്യുച്ചറിസ്റ്റ്‌ കാവ്യം - ദുരവസ്ഥ
- ആശാന്റെ ഏറ്റവും നീണ്ട കാവ്യം - ദുരവസ്ഥ
- വഞ്ചിപ്പാട്ട് വൃത്തത്തിലെഴുതിയ ആശാന്റെ ഒരു കൃതി - കരുണ
- ആശാന്റെ അവസാനകൃതി - കരുണ
- വീണപൂവ്‌ ആദ്യം പ്രസിദ്ധീകരിച്ചത് - മിതവാദിയില്‍
- നളിനിയുടെ അവതാരിക – ഏ.ആര് രാജരാജവര്‍മ്മ
- ' വിവേകോദയം ' എന്ന പത്രം സ്ഥാപിച്ചത് - ആശാന്‍
- സര്‍ . എഡ്വിന്‍ ആര്നോള്‍ഡിന്റെ 'The Light of Asia ' എന്ന കാവ്യത്തിന് ആശാന്‍ നടത്തിയ വിവര്‍ത്തനത്തിന്റെ പേര് - ശ്രീബുദ്ധചരിതം
- മാതൃചരമത്തെപറ്റി ആശാന്‍ എഴുതിയ കൃതി - അനുതാപം
- ആശാന്‍ പ്രധാനമായും കുട്ടികള്‍ക്കുവേണ്ടി എഴുതിയ കവിതാ സമാഹാരം - പുഷ്പവാടി
- ആശാന്റെ ഏതു കൃതിയുടെയും ആന്തരാംശം - സ്നേഹം
- പല്ലനയാറ്റിലുണ്ടായ കുപ്രസിദ്ധ റിഡീമര്‍ ബോട്ടപകടത്തില്‍ നിര്യാതനായ കവി - കുമാരനാശാന്‍
- കുമാരനാശാനെ ദിവ്യകോകിലം എന്നു വിളിച്ചത് - എം.ലീലാവതി
- കുമാരനാശാനെ അനുസ്മരിച്ച് മുതുകുളം വി.പാര്‍വതിയമ്മ എഴുതിയ വിലാപം - ഒരു വിലാപം
- ശ്രീനാരായണഗുരുവിനെക്കുറിച്ച് ആശാന്‍ രചിച്ച രണ്ടു കൃതികള്‍ - ഗുരു , ഗുരുപാദദശകം
- 'ഗരിസാപ്പ അരുവി ഒരുവനയാത്ര' എന്ന അപൂര്‍ണ്ണ കവിത രചിച്ചത് - കുമാരനാശാന്‍
- ഉള്ളൂരിന്റെ അവതാരികയോടുകൂടി പുറത്തിറങ്ങിയ ആശാന്റെ കൃതി - ചണ്ഡാലഭിക്ഷുകി
- 'ആശാന്‍ വിമര്ശനത്തിന്റെ ആദ്യ രശ്മികള്‍' എന്ന നിരൂപണ ഗ്രന്ഥത്തിന്റെ കര്‍ത്താവ്‌ - മൂര്‍ക്കോത്ത് കുമാരന്‍
ആശാനെക്കുറിച്ചുള്ള പഠന ഗ്രന്ഥങ്ങള്‍
- അറിയപ്പെടാത്ത ആശാന്‍ - ടി.ഭാസ്ക്കരന്‍
- ആശാന്‍ നവോത്ഥാനത്തിന്റെ കവി - തായാട്ട് ശങ്കരന്‍
- ആശാനും സ്തുതിഗായകന്മാരും - സി.നാരായണപിള്ള
- ആശാന്‍ നിഴലും വെളിച്ചവും - എ.പി.പി .നമ്പൂതിരി
- ആശാന്റെ കാവ്യോപക്രമം - കെ . ശങ്കരന്‍
- ആശാന്റെ മാനസപുത്രിമാര്‍ - ചെഞ്ചേരി കെ.ജയകുമാര്‍
- ആശാന്റെ നായികമാര്‍ - വൈക്കം എസ് പരമേശ്വരന്‍പിള്ള
- ആശാന്റെ ഹൃദയം - പി.കെ.നാരായണപിള്ള
- കരുണയും കുചേലവൃത്തവും - സ്വാമി ആര്യഭടന്‍
- നളിനിയുടെ നോട്ട് - കെ.അയ്യപ്പന്‍
- കുമാരാസ്വാദനം - ആന്റണി കുഞ്ഞക്കാരന്‍
- വീണപൂവ്‌ കണ്‍മുന്പില്‍ - കെ.എം ഡാനിയേല്‍
- വീണപൂവും സഹോദരിമാരും - മല്ലിശ്ശേരി കരുണാകരന്‍
- ശ്രീനാരായണഗുരുവും കുമാരനാശാനും - എം.കെ സുകുമാരന്‍
- സീതയിലെ ആശാന്‍ - പൊന്‍കുന്നം ദാമോദരന്‍
- ആശാന്റെ സീതാകാവ്യം - സുകുമാര്‍ അഴീക്കോട്
- സ്നേഹ ഗായകന്‍ - കെ.ജെ. അലക്സാണ്ടര്‍
ഉള്ളൂര്‍ (1877-1949)
- ആധുനിക കവിത്രയത്തില്‍ സര്‍വകലാശാലാബിരുദം ലഭിച്ച കവി - ഉള്ളൂര്‍
- ഉള്ളൂരിന്റെ ഖണ്ഡകാവ്യങ്ങളില്‍ മുഖ്യമായവ – കര്‍ണ്ണഭൂഷണം , പിംഗള , ഭക്തിദീപിക , ചിത്രശാല
- കര്‍ണ്ണഭൂഷണത്തിലെ വൃത്തം - മഞ്ജരി
- ഭക്തിദീപിക എന്ന ഉള്ളൂര്‍ കൃതിയുടെ മറ്റൊരു പേര് - ചാത്തന്റെ സദ്‌ഗതി
- ഉള്ളൂരിന്റെ മഹാകാവ്യം - ഉമാകേരളം
- ഉമാകേരളത്തിന്റെ പശ്ചാത്തലം - തിരുവിതാംകൂര്‍ ചരിത്രം
- ഉമാകേരളത്തിന് അവതാരിക എഴുതിയത് - കേരളവര്‍മ്മ
- കര്‍ണ്ണഭൂഷണത്തെ കൈരളിയുടെ കര്‍ണ്ണപുണ്യം എന്ന് വിശേഷിപ്പിച്ചത് - സഞ്ജയന്‍
- ഉള്ളൂരിന്റെ കേരളസാഹിത്യചരിത്രം പ്രസിദ്ധീകരിച്ചത് - തിരുവിതാംകൂര്‍ സര്‍വകലാശാല
- കേരളസാഹിത്യചരിത്രത്തിന് എത്ര വാല്യങ്ങള്‍ ഉണ്ട് - അഞ്ച്
- ഉള്ളൂരിന്റെ നാടകം - അംബ
- ഉള്ളൂരിന്റെ ചമ്പു - സുജാതോദ്വഹം
- "ഓമനേ നീയുറങ്ങ്........................" എന്ന താരാട്ടുപാട്ട് രചിച്ചത് - ഉള്ളൂര്‍
- "കാക്കേ കാക്കേ കൂടെവിടെ................................." എന്ന കവിതയുടെ കര്‍ത്താവ്‌ - ഉള്ളൂര്‍
- സ്വാതിതിരുനാള്‍ സദസ്സിലെ പ്രധാനിയായിരുന്ന വടിവേലുവിനെക്കുറിച്ച് ഉള്ളൂര്‍ രചിച്ച കവിത – കാട്ടിലെപ്പാട്ട്
- ഉള്ളൂരിന്റെ ലഘു കവിതാസമാഹാരങ്ങള്‍ - കിരണാവലി , മണിമഞ്ജുഷ , അമൃതധാര , താരഹാരം , തരംഗിണി , രത്നമാല , ഹൃദയകൌമുദി
- ഉള്ളൂരിന്റെ ലഘുകവിതകളില്‍ ഏറ്റവുമധികം സഹൃദയ സമ്മദി നേടിയത് - പ്രേമഗീതം
- പിംഗളയുടെ ഇതിവൃത്തം സ്വീകരിക്കുന്നത് - മഹാഭാഗവതപുരാണത്തില്‍ നിന്ന്
- ഉള്ളൂര്‍ രചിച്ച സാഹിത്യചരിത്രം - കേരള സാഹിത്യചരിത്രം
- സനന്ദന്റെ ഗര്‍വ്വഭംഗം ഇതിവൃത്തമാക്കിയ ഉള്ളൂര്‍ കവിത – ഭക്തിദീപിക
- മലയാളത്തിലെ പ്രേമോപനിഷത്ത് എന്ന് ലീലാവതി വിശേഷിപ്പിച്ചത് - പ്രേമസംഗീതം
- ഉമാകേരളത്തിന് രാജനന്ദിനി എന്ന പേരില്‍ ഗദ്യാഖ്യാനം തയ്യാറാക്കിയത് - ജി.ശങ്കരക്കുറുപ്പ്
വള്ളത്തോള്‍ (1875 – 1958)
- 'ശബ്ദസുന്ദരന്‍ ' എന്ന പേരില്‍ സാഹിത്യലോകത്ത് നിറഞ്ഞു നില്‍ക്കുന്ന കവി - വള്ളത്തോള്‍
- വള്ളത്തോളിന്റെ ആദ്യ സാഹിത്യസൃഷ്ടി - കിരാതശതകം
- 'ദേശീയ ഗായകന്‍ ' എന്നറിയപ്പെടുന്ന മഹാകവി - വള്ളത്തോള്‍
- കേരള കലാമണ്ഡലത്തിന്റെ സ്ഥാപകന്‍ - വള്ളത്തോള്‍
- വള്ളത്തോളിന്റെ പ്രധാനപ്പെട്ട ഖണ്ഡകാവ്യങ്ങള്‍ - ബധിരവിലാപം , ഗണപതി , ബന്ധനസ്ഥനായ അനിരുദ്ധന്‍, ശിഷ്യനും മകനും , മഗ്ദലനമറിയം, അച്ഛനും മകളും , കൊച്ചുസീത , ബാപ്പുജി
- വള്ളത്തോളിന്റെ അവസാനത്തെ സാഹിത്യസൃഷ്ടി - ഋഗ്വെദതര്‍ജ്ജമ
- വള്ളത്തോളിന്റെ ഖണ്ഡകാവ്യങ്ങലില്‍ ഏറ്റവും മികച്ച കൃതി - മഗ്ദലനമറിയം
- മഗ്ദലനമറിയത്തിലെ വൃത്തം - മഞ്ജരി
- ആത്മകഥാപരമായ വള്ളത്തോള്‍ കൃതി(വിലാപകാവ്യം) - ബധിരവിലാപം
- ക്രിസ്തീയമായ ഇതിവൃത്തങ്ങളില്‍ അധിഷ്ഠിതമായ ആദ്യത്തെ പ്രൌഡമായകൃതി - മഗ്ദലനമറിയം
- 'രുഗ്മിണിയുടെ പശ്ചാത്താപം ' എന്ന വള്ളത്തോള്‍ കൃതിയുടെ മറ്റൊരു പേര് - ഒരു കത്ത്
- വള്ളത്തോളിന്റെ സാഹിത്യമഞ്ജരിക്ക് എത്ര ഭാഗങ്ങളുണ്ട് - പതിനൊന്ന്
- വള്ളത്തോളിന്റെ സാഹിത്യമഞ്ജരി ഒന്നാം ഭാഗത്തിന്റെ പ്രകാശനം നടന്ന വര്‍ഷം - 1917
- വള്ളത്തോള്‍ രചിച്ച മഹാകാവ്യം - ചിത്രയോഗം
- വള്ളത്തോള്‍ രചിച്ച ആട്ടകഥ – ഔഷധാഹരണം
- പൂന്താനവും , മേല്പത്തൂരും സമകാലികരായി പ്രത്യക്ഷപ്പെടുന്ന വള്ളത്തോള്‍ കൃതി - ഭക്തിയും വിഭക്തിയും
- വള്ളത്തോളിന്റെ കൊച്ചുസീതക്ക് സഞ്ജയന്‍ രചിച്ച ഹാസ്യാനുകരണം - കുഞ്ഞിമാത
- വാഗ്ദേവിയുടെ പുരുഷാവതാരമെന്നു വള്ളത്തോളിനെ വിശേഷിപ്പിച്ചതാര് - കുട്ടികൃഷ്ണമാരാര്‍
- “കാഞ്ചനക്കൂടിന്റെ അഴികള്‍ കൊത്തിമുറിച്ച പഞ്ചവര്‍ണ്ണക്കിളി " - എന്ന വള്ളത്തോളിനെ വിശേഷിപ്പിച്ചത്- എം.ലീലാവതി
- വള്ളത്തോളിന്റെ സ്ത്രീ എന്ന സമാഹാരത്തിന് അവതാരിക എഴുതിയത് - ഇ.എം.എസ്
- വള്ളത്തോളിന്റെ കവിതാസമാഹാരങ്ങള്‍ - ഇന്ത്യയുടെ കരച്ചില്‍ , വീരശൃംഖല , ദിവാസ്വപ്നം , അഭിവാദ്യം റഷ്യയില്‍ , വിഷുക്കണി
- "വന്ദിപ്പിന്‍ മാതാവിനെ..................." എന്ന ദേശഭക്തിഗാനം രചിച്ചത്- വള്ളത്തോള്‍
- ഗുരുവായൂരപ്പന്‍ മങ്ങാട്ടച്ചനുമായി വന്നു പൂന്താനത്തെ രക്ഷിച്ച കഥ ആസ്പദമാക്കി വള്ളത്തോള്‍ രചിച്ച കാവ്യം - ആ മോതിരം
- ശങ്കരാചാര്യരെക്കുറിച്ച് ' മലയാളത്തിന്റെ തല ' എന്ന കവിതയെഴുതിയത് - വള്ളത്തോള്‍
- വള്ളത്തോളിന്റെ 'ബന്ധനസ്ഥനായ അനിരുദ്ധ'ന്റെ രീതി അനുകരിച്ച് കുണ്ടൂര്‍ എഴുതിയ കാവ്യം - സാംബന്‍
ചങ്ങമ്പുഴ കൃഷ്ണപിള്ള (1911- 1948)
- ചങ്ങമ്പുഴയുടെ ഏറ്റവും പ്രസിദ്ധമായ കൃതി - രമണന്‍
- ചങ്ങമ്പുഴയെ മലയാളത്തിലെ ഓര്ഫ്യുസ് എന്നു വിളിച്ചത് - എം.ലീലാവതി
- ചങ്ങമ്പുഴയുടെ ആദ്യ സമാഹാരം - ബാഷ്പാഞ്ജലി
- റുബായിയത്തിനു ചങ്ങമ്പുഴ രചിച്ച പരിഭാഷ – മദിരോത്സവം
- മലയാളത്തിലെ ഏറ്റവും പ്രചാരം നേടിയ ദുരന്തകാവ്യം - രമണന്‍
- ചങ്ങമ്പുഴ എഴുതിയ നോവല്‍ - കളിത്തോഴി
- ചങ്ങമ്പുഴയുടെ പ്രധാന കൃതികള്‍ - രമണന്‍ , പാടുന്ന പിശാച്, സ്പന്ദിക്കുന്ന അസ്ഥിമാടം , ഓണപ്പൂക്കള്‍ , സങ്കല്‍പ്പകാന്തി , നിഴലുകള്‍ , അസ്ഥിയുടെ പൂക്കള്‍ , സ്വരരാഗസുധ
- മനസ്വിനിയുടെ അവതാരിക – എസ്.കെ. നായര്‍
- ആത്മഗീതപരമായ ചങ്ങമ്പുഴയുടെ ഒരു ദീര്‍ഘ കവിത – പാടുന്ന പിശാച്
- മോപ്പസാങ്ങിന്റെ ഒരു കഥയെ ആസ്പദമാക്കി ചങ്ങമ്പുഴ എഴുതിയ ലഘുകാവ്യം - ആരാധകന്‍
- ജയദേവന്റെ ഗീതാഗോവിന്ദം , 'ദേവഗീത ' എന്ന പേരില്‍ വിവര്‍ത്തനം ചെയ്തത് - ചങ്ങമ്പുഴ
- ' മയൂഖമാല ' (വിവര്‍ത്തനം) യുടെ കര്‍ത്താവ്‌ - ചങ്ങമ്പുഴ
- ടെന്നിസണ്ണിന്റെ 'ഈനോണ്‍ ' എന്ന കൃതിക്ക് ചങ്ങമ്പുഴ നടത്തിയ സ്വതന്ത്രവിവര്‍ത്തനം - സുധാംഗന
- ബ്രൌണിങ്ങിന്റെ അവസാനത്തെസവാരിക്ക് ചങ്ങമ്പുഴ നടത്തിയ പരിഭാഷ – നിര്‍വൃതി
- ചങ്ങമ്പുഴക്കവിത ആദ്യമായി പ്രസിദ്ധീകരിച്ച മാസിക – പൌരസ്ത്യദൂതന്‍
ഇടപ്പള്ളിരാഘവന്‍പിള്ള (1908 – 1935)
- ' ആത്മഘാതിയായ കവി ' എന്ന് ഇടപ്പള്ളിയെ വിശേഷിപ്പിച്ചത് - കുട്ടികൃഷ്ണമാരാര്‍
- ഇടപ്പള്ളിയുടെ ആദ്യത്തെ മുദ്രിതകൃതി - തുഷാരഹാരം
- ഇടപ്പള്ളിയുടെ കവിതയിലെ ശക്തിമത്തായ വികാരം - പ്രണയം
- ഇടപ്പള്ളിയുടെ കൃതികള്‍ - തുഷാരഹാരം , ഹൃദയസ്മിതം , നവസൗരഭം , മണിനാദം , അവ്യക്ത ഗീതം , നാളത്തെ പ്രഭാതം
- ഇടപ്പള്ളിയുടെ അവസാന കവിത – മണിനാദം
- ഇടപ്പള്ളിരാഘവന്‍പിള്ളയുടെ ആത്മഹത്യയെക്കുറിച്ചുള്ള ചങ്ങമ്പുഴയുടെവിലാപകാവ്യം - രമണന്‍
- ഇടപ്പള്ളിക്കവിതകളെ പരാജയ പ്രസ്ഥാനം എന്ന് നാമകരണം ചെയ്തത് - കേസരി എ . ബാലകൃഷ്ണപിള്ള
- തുഷാരഹാരത്തിനു അവതാരികയെഴുതിയത് - ഉള്ളൂര്‍
- ഇടപ്പള്ളിയുടെ മരണശേഷം ഇടപ്പള്ളി കൃതികള്‍ പ്രസിദ്ധീകരിച്ചത് ആര് - ചങ്ങമ്പുഴ
പുതിയ തലമുറയിലെ കവികള്‍
- വയലാര്‍ സമര പശ്ചാത്തലത്തില്‍ വയലാര്‍ ഗര്‍ജ്ജിക്കുന്നു എന്ന കവിത രചിച്ചത് - പി. ഭാസ്കരന്‍
- മറ്റൊലിക്കവികള്‍ എന്നറിയപ്പെടുന്നത് - ഒ .എന്‍.വി , പി. ഭാസ്കരന്‍ , വയലാര്‍ രാമവര്‍മ്മ
- 'കാലമാണവിശ്രമം പായുമെന്നശ്വം ' എന്നു പ്രഖ്യാപിച്ചത് - വയലാര്‍
- നോണ്‍സെന്‍സ് കവിതകള്‍ എന്ന പേരില്‍ ആദ്യത്തെ സമാഹാരം പുറത്തിറക്കിയത് - കുഞ്ഞുണ്ണി
- പാലാ നാരായണന്‍നായര്‍ കേരളത്തെക്കുറിച്ചെഴുതിയ ദീര്‍ഘ കൃതി - കേരളം വരുന്നു
- തെലുങ്കാന സമരപശ്ചാത്തലത്തില്‍ വയലാര്‍ രചിച്ച കൃതി - തെലുങ്കാനയിലെ അമ്മ
- മിനിയേച്ചര്‍ ഒട്ടോബയോഗ്രഫി എന്നു വിശേഷിപ്പിക്കപ്പെട്ട പി. ഭാസ്ക്കരന്റെ കാവ്യം - ഒറ്റക്കമ്പിയുള്ള തംബുരു
- മലങ്കാടന്‍ എന്ന പേരില്‍ ധാരാളം ഹാസ്യകഥനങ്ങളും വിപ്ലവ കൃതികളും രചിച്ച കവി - ചെറുകാട് ഗോവിന്ദ പിഷാരടി
- ഭാരതത്തിന്റെ പുനര്‍നിര്‍മ്മാണ പ്രവര്‍ത്തനങ്ങളെക്കുറിച്ച് ഭാഷയിലുണ്ടായ ഒന്നാമത്തെ ഖണ്ഡകാവ്യം - കെ.വി.കൃഷ്ണപിഷാരടിയുടെ ഭക്രാംനംഗല്‍
- 'ആളില്ലാക്കസേരകള്‍' രചിച്ചത് - ചെമ്മനം ചാക്കോ
- കബീര്‍ സമ്മാനം ലഭിച്ച മലയാള കവി - അയ്യപ്പപ്പണിക്കര്‍
- 'കടത്തുവഞ്ചി 'ആരുടെ കവിത – കെടാമംഗലം പപ്പുക്കുട്ടി
- 'പൌരന്റ്റെ നെഹ്‌റു 'ആരുടെ കവിത - അക്കിത്തം
- 'മലയാളി ആരുടെ' കവിത - ഇടശ്ശേരി
- 'എഴുത്തച്ചനെഴുതുമ്പോള്‍ 'ആരുടെ കൃതിയാണ് - സച്ചിദാനന്ദന്‍
- ഗായത്രീ വൃത്തത്തില്‍ എഴുതപ്പെട്ട ഒളപ്പമണ്ണയുടെ കാവ്യം - നങ്ങേമക്കുട്ടി
- ബാലാമണിയമ്മയെക്കുറിച്ച് മകള്‍ നാലപ്പാട്ട് സുലോചന രചിച്ച പുസ്തകം - പേനയില്‍ തുഴഞ്ഞ ദൂരങ്ങള്‍
- 'ദൈവമേ കൈ തൊഴാം............... ' എന്ന പ്രാര്‍ഥനാഗാനം രചിച്ചത് - പന്തളം കേരളവര്‍മ്മ
- മലയാളത്തില്‍ ഗദ്യ കവിതകളുടെ പ്രാരംഭാകന്‍ - ചിത്രമെഴുത്ത്‌ വര്‍ഗീസ്‌
- തൊഴിലാളി കവിയെന്നംഗീകരിക്കപ്പെട്ട കവി - കെടാമംഗലം പപ്പുക്കുട്ടി
- ജോണ്‍ എബ്രഹാമിന്റെ സ്മരണയില്‍ ബാലചന്ദ്രന്‍ചുള്ളിക്കാട് എഴുതിയ കവിത – എവിടെ ജോണ്‍
- ' മരുഭൂമിയിലെ കിനാവുകള്‍' എന്ന കവിതാസമാഹാരം ആരുടെതാണ് - ജി.കുമാരപിള്ള
- കേരളീയ കവിത്രയങ്ങളെയും വിദുഷിമാരെയും പ്രശംസിച്ചു കൊണ്ട് കേരളവര്‍മ്മ രചിച്ച കൃതി - കൈരളീ പ്രശസ്തി
- ജോസഫ്‌ മുണ്ടശ്ശേരിയുടെ കവിതാസമാഹാരം - ചിന്താമാധുരി
- കുട്ടികൃഷ്ണമാരാരുടെ കവിതകള്‍ - നിഴലാട്ടം , കറുകമാല
- കാളിദാസനെ നായകനാക്കി ഒ.എന്‍.വി. രചിച്ച കാവ്യം - ഉജ്ജയിനി
- സരസ്വതീ സമ്മാനത്തിനര്‍ഹമായ ബാലാമണിയമ്മയുടെ കൃതി - നൈവേദ്യം
- പഴശ്ശിയെക്കുറിച്ച് പി.കുഞ്ഞിരാമന്‍നായര്‍ എഴുതിയ കവിത – പുരളിമലയിലെ പൂമരങ്ങള്‍
- മരണത്തെ വരനായി സങ്കല്‍പ്പിക്കുന്ന ജി.യുടെ കവിത – എന്റെ വേളി
- കോഴിപങ്ക് എന്ന ആക്ഷേപഹാസ്യ കവിതയുടെ കര്‍ത്താവ്‌ - സച്ചിദാനന്ദന്‍
- മാവേലീ പുരാവൃത്തത്തെ മുന്‍നിര്‍ത്തി അക്കിത്തം രചിച്ച പ്രസിദ്ധ കാവ്യം - ബലിദര്ശനം
- ഇത്താപ്പിരി എന്ന പ്രസിദ്ധ കവിത രചിച്ചത് - വയലാര്‍
- കടമ്മനിട്ട വിവര്‍ത്തനം ചെയ്ത ഒക്ടോവിയാപാസിന്റെ കൃതി - സൂര്യശില
- പുരാണേതിവൃത്തങ്ങള്‍ക്ക് നവീന മാനം നല്‍കുന്ന സുഗതകുമാരിയുടെ രണ്ടു കവിതകള്‍ - ഗജേന്ദ്രമോക്ഷം , കാളിയമര്‍ദ്ദനം
- ദാദായിസ്റ്റ്‌ സങ്കേതത്തിലെഴുതപ്പെട്ട എന്‍.എന്‍. കക്കാടിന്റെ കവിതകള്‍ - ചെറ്റകളുടെ പാട്ട് , പട്ടിപ്പാട്ട്
- കൃഷ്ണബിംബങ്ങളുടെ കവിയത്രിയായി അറിയപ്പെടുന്നത് - സുഗതകുമാരി
- ആദിവാസികളുടെ ദുരിതങ്ങളിലേക്ക് വിരല്‍ ചൂണ്ടുന്ന കടമ്മനിട്ടയുടെ കവിതകള്‍- കിരാതവൃത്തം , കാട്ടാളന്‍ , കുറത്തി
- ദ്രാവിഡപാരമ്പര്യത്തിന്റെ കവിയെന്നറിയപ്പെടുന്ന കവി - കടമ്മനിട്ട രാമാകൃഷ്ണണന്‍
- വൈലോപ്പിള്ളിയുടെ പ്രസിദ്ധമായ ദാമ്പത്യ കവിത – കണ്ണീര്‍പ്പാടം
- ഒളപ്പമണ്ണയുടെ പ്രസിദ്ധമായ കഥാകാവ്യം - നങ്ങേമക്കുട്ടി
- നിശിതമായ ആക്ഷേപഹാസ്യത്തിലൂന്നുന്ന എന്‍.വി.കൃഷ്ണവാര്യരുടെ ചില കവിതകള്‍ - എലികള്‍ , ഗാന്ധിയും ഗോഡ്സേയും , കൃഷ്ണവധം , ശ്വാനപ്രദര്സനം
- മലയാളത്തിലെ ആദ്യത്തെ ഗീതക സമാഹാരം ഏത് - എം.പി.അപ്പന്റ്റെ വെള്ളിനക്ഷത്രം
- യന്ത്ര സംസ്കാരത്തിന്റെ ദുരന്തം വ്യക്തമാക്കിയ ഇടശ്ശേരിക്കവിത – നെല്ലുകുത്തുകാരി പാറുവിന്റെ കഥ
Subscribe to:
Posts (Atom)