Showing posts with label ഒളിമ്പിക്സ്. Show all posts
Showing posts with label ഒളിമ്പിക്സ്. Show all posts
Monday, 13 August 2012
Sunday, 5 August 2012
സൈന നേവാളിന് വെങ്കലം
ലണ്ടന് : സിന്‍ വാങ്ങിന്റെ ശാപം സൈനയ്ക്ക് ഇന്ത്യയ്ക്കും വരദാനമായി. സിന്‍ വാങ്ങിന്റെ വേദനയുടെ സമ്മാനമാണെങ്കിലും സൈന നേവാള്‍ ഒളിമ്പിക് വെങ്കല മെഡലിന് അവകാശിയാണിപ്പോള്‍. ഒളിമ്പിക് മെഡല്‍ നേടുന്ന ആദ്യ ഇന്ത്യന്‍ ബാഡ്മിന്റണ് താരമായിരിക്കുകയാണ് ഈ ഹൈദരാബാദുകാരി പെണ്‍കുട്ടി. ഇന്ത്യന്‍ ബാഡ്മിന്റണ് ഇതിഹാസങ്ങളായ പ്രകാശ് പദുക്കോണിനും ഗുരു പി.ഗോപിചന്ദിനുപോലും കൈവരിക്കാനാവാത്ത നേട്ടം. ലണ്ടനില്‍ ഇന്ത്യയ്ക്ക് മൂന്നാമത്തെ മെഡലാണ് സൈന സമ്മാനിച്ചത്. ഇതോടെ ഒരു വെള്ളിയും രണ്ടു വെങ്കലവും അടക്കം മൂന്നായി ഇന്ത്യയുടെ മെഡല്‍ സമ്പാദ്യം.വനിതാ സിംഗിള്‍സില്‍ കാലിനേറ്റ പരിക്ക്മൂലം രണ്ടാം ഗെയിമിന്റെ തുടക്കത്തിലാണ് ലോക രണ്ടാം നമ്പറായ സിന്‍ വാങ് പിന്‍വാങ്ങിയത്. കളിയില്‍ നിന്ന് പിന്‍വലിയുമ്പോള്‍ ഒന്നാം ഗെയിം സ്വന്തമാക്കുകയും രണ്ടാം ഗെയിമില്‍ ഒരു പോയിന്റിന് ലീഡ് ചെയ്യുകയുമായിരുന്നു സിന്‍ വാങ്.
Saturday, 4 August 2012
അഭിമാനമായി വിജയകുമാറിന്റെ വെള്ളി
ലണ്ടന് : നഷ്ടക്കണക്കുകള്‍ ഈറനണിയിച്ച കണ്ണുകള്‍ക്ക് മുന്നിലിതാ വെള്ളിവെളിച്ചം തൂകി ഒരു സ്വപ്‌നനേട്ടം. വിജയകുമാര്‍ എന്ന സൈനികനാണ് വെള്ളിമെഡല്‍ വെടിവച്ചു നേടി നൂറു കോടി ജനങ്ങളുടെ മാനം കാത്തത്. ലണ്ടന് ഒളിമ്പിക്സിലെ ഇന്ത്യയുടെ രണ്ടാമത്തെ മെഡലാണിത്. രണ്ടും ഷൂട്ടര്‍മാരുടെ വക തന്നെ. ഗഗന് നാരംഗ് നേരത്തെ 10 മീറ്റര്‍ എയര്‍റൈഫിളില്‍ വെങ്കലം നേടിയിരുന്നു.പുരുഷന്മാരുടെ 25മീറ്റര്‍ റാപ്പിഡ് ഫയര്‍ പിസ്റ്റളിലാണ് ഇരുപത്തിയാറുകാരനായ വിജയകുമാറിന്റെ അസുലഭ നേട്ടം. നാലാമനായി ഫൈനലിലെത്തിയ വിജയകുമാര്‍ 30 പോയിന്റ് നേടിയാണ് വെള്ളി നേടിയത്. ഇത് രണ്ടാം തവണയാണ് ഇന്ത്യ ഷൂട്ടിങ്ങില്‍ വെള്ളി നേടുന്നത്. ആതന്സ് ഒളിമ്പിക്സില് രാജ്യവര്‍ധന്‍സിങ് റാത്തോഡ് എന്ന സൈനികനാണ് ഇതിന് മുന്‍പ് ഇന്ത്യയ്ക്ക് വെള്ളിമെഡല്‍ നേടിത്തന്നത്. ബെയ്ജിങ്ങില്‍ അഭിനവ് ബിന്ദ്ര ഷൂട്ടിങ്ങില്‍ തന്നെ ഇന്ത്യയ്ക്ക് ആദ്യത്തെ വ്യക്തിഗത സ്വര്‍ണവും നേടിത്തന്നിരുന്നു.
ശരിക്കും വീറുറ്റ പ്രകടനം തന്നെയാണ് ഹിമാചല്‍പ്രദേശുകാരനായ വിജയകുമാര്‍ പുറത്തെടുത്തത്. 5, 4, 4, 3, 4, 4,4,2 എന്നിങ്ങനെയായിരുന്നു ഫൈനലിലെ വിജയകുമാറിന്റെ സ്‌കോര്‍. അവസനാ വെടിയില്‍ രണ്ടെണ്ണം പാഴാവുകയും വിജയകുമറിന് കേവലം രണ്ടു പോയിന്റുമായി സംതൃപ്തിയേണ്ടിവരികയും ചെയ്തതോടെ ഇന്ത്യയുടെ മനസ്സൊന്ന് ആളിയതാണ്. ഈ പാഴ്‌വെടിയാണ് വിജയകുമാറിന് സ്വര്‍ണം നഷ്ടപ്പെടുത്തിയത്. എന്നാല്‍, ഇതിനകം തന്നെ വിജയ് വെള്ളി മെഡല്‍ ഉറപ്പിച്ചുകഴിഞ്ഞിരുന്നു. പുതിയ ലോക റെക്കോഡിട്ട ക്യൂബയുടെ ലെയുറിസ് പുപോയ്ക്കാണ് സ്വര്‍ണം. ചൈനയുടെ ഫെറ്റ് ഡിങ് വെങ്കലം നേടി.
ചരിത്രം കുറിച്ച് ഇര്ഫാന്
ലണ്ടന്: ബക്കിങ്ഹാം കൊട്ടാരത്തിന്‍െറ രാജവീഥിയിലൂടെ മലപ്പുറം അരീക്കോട് സ്വദേശി കെ.ടി ഇര്ഫാന് നടത്തം ചരിത്രത്തിലേക്ക്്. മെഡല്‍ മോഹമൊന്നുമില്ലാതെ ലണ്ടനില്‍ നടക്കാനിറങ്ങിയ ഇര്ഫാന് നാട്ടിലേക്ക് മടങ്ങുന്നത് പുതിയ ദേശീയ റെക്കോഡ് സ്വന്തം പേരിലെഴുതി. ഒളിമ്പിക്സ് ട്രാക്കിനെ പരിചയപ്പെടുകയായിരുന്നു മലപ്പുറത്തിന്റെആദ്യ ഒളിമ്പ്യന്‍െറ ലക്ഷ്യം. മെഡല്‍ മോഹം 2016ലെ ബ്രസീല്‍ ഒളിമ്പിക്സിലേക്ക് മാറ്റിവെച്ചാണ് ഇര്ഫാന് ലണ്ടനിലെ നടക്കാനാറിങ്ങിയത്. എന്നാല്‍ തിരിച്ച് നടക്കുമ്പോള്‍ ദേശീയ റെക്കോഡ് നേട്ടത്തിനൊപ്പം അത്ലിറ്റിക്സിലെ ഇന്ത്യയുടെ എക്കാലത്തെയും മികച്ച പ്രകടനങ്ങളിലൊന്ന് എന്ന ഖ്യാതിയും ഇര്ഫാന് സ്വന്തം.
20 കിലോമീറ്റര്‍ നടത്തതില്‍ ഒരു മണിക്കൂര്‍ 20:21 മിനിറ്റ് സമയം കുറിച്ച് ദേശീയ റെക്കോഡോടെ പത്താം സ്ഥാനത്ത് കെ.ടി ഇര്ഫാന് ലണ്ടനില്‍ ഫിനിഷ് ചെയ്തത് ഇന്ത്യന്‍ അത്ലറ്റിക്സിന് പത്തരമാറ്റ് തിളക്കമുള്ളതായി. ഒരു മണിക്കൂര്‍ 22:09 മിനിട്ടെന്ന മികച്ച സമയവുമായാണ് മലയാളി നടത്തക്കാരന്‍ ലണ്ടനിലെത്തിയത്.
കൊപ്ര തൊഴിലാളിയായ കുനിയില്‍ പള്ളിയാളിയില്‍ കോലോത്തുംതൊടി മുസ്തഫയുടെയും സുലൈഖയുടെയും ആറ് മക്കളില്‍ അഞ്ചാമനായാണ് കെ.ടി. ഇര്‍ഫാന്‍െറ ജനനം. സ്കൂളില്‍ അഡ്മിഷന്‍ തരപ്പെടുത്തുക, ഒരു ജോലി സമ്പാദിക്കുക എന്ന ലക്ഷ്യവുമായാണ് ഇര്ഫാന് ആദ്യം സ്പോര്‍ടസിനെ പ്രണയിച്ചത്. എന്നാല്‍ പതിയെ ട്രാക്കും ഫീല്‍ഡും ഇര്‍ഫാന്‍െറ വേഗമായി മാറുകയായിരുന്നു. പിന്നീട് ഒളിമ്പിക് ലക്ഷ്യം വെച്ചുള്ള കഠിന പരിശീനമായി ഇര്‍ഫാന്‍െറ ജീവിതം. കുനിയില്‍ മുതല്‍ മുക്കം വരെയുള്ള 10 കിലോമീറ്ററോളം റോഡിലെ നിത്യവുമുള്ള നടത്തവും കോഴിക്കോട് ദേവഗിരി കോളേജ് ഗ്രൗണ്ടിലെ കഠിന പരിശീലനവും ഇര്‍ഫാനെ സ്വപ്നങ്ങളിലേക്ക് നടത്തിച്ചു.
2006 ലെ റവന്യൂ, സബ് ജില്ലാ, ജില്ലാ സ്കൂള്‍ മീറ്റുകളില്‍ നടന്ന 5 കി മീ നടത്ത മത്സരത്തില്‍ ഒന്നാം സ്ഥാനം നേടിയാണ് ഇര്ഫാന് നടത്ത മത്സരത്തിലേക്കുള്ള വരവറിയച്ചത്. എന്നാല്‍ ജില്ലാ സ്കൂള്‍ മീറ്റില്‍ ഡിസ്കസ് ത്രോയില്‍ ലഭിച്ച മെഡലാണ് ഇര്‍ഫാന്‍െറ കരിയറിലെ ആദ്യ മെഡല്‍ എന്നത് കൗതുകകരം.
പ്ളസ് ടുവിന് ശേഷം ബിരുദത്തിന് ചേര്‍ന്നതോടെയാണ് ഇര്‍ഫാന്‍െറ കരിയറിന് വഴിത്തിരിവാകുന്നത്.കോച്ച് എ ബോസിന്‍െറ കീഴില്‍ കോഴിക്കോട് സായിയില്‍ പരിശീലനം ആരംഭിച്ചു. 2007, 2008, 2009 വര്‍ഷങ്ങളില്‍ സൗത്ത് സോണ്‍ മീറ്റില്‍ 10 കി. മീ. നടത്ത വിഭാഗത്തില്‍ സ്വര്‍ണ്ണ മെഡല്‍ നേടി. പോണ്ടിച്ചേരിയില്‍ നടന്ന മറ്റൊരു നാഷണല്‍ മീറ്റില്‍ റെക്കോര്‍ഡോടെ സ്വര്‍ണം നേടുകയും ചെയ്തു. 2011 ജൂണില്‍ നടന്ന ഇന്‍്റര്‍ സ്റ്റേറ്റ് സീനിയര്‍ ചാംമ്പ്യന്‍ഷിപ്പില്‍ 20 കി.മീ വിഭാഗത്തില്‍ നേടിയ വെളളി മെഡലാണ് ഇര്‍ഫാന്‍െറ ആദ്യ ദേശീയ മെഡല്‍. ആ വര്‍ഷം തന്നെ നടന്ന ദേശീയ ഗെയിംസില്‍ നാലാമതായാണ് ഫിനിഷ് ചെയ്തെങ്കിലും ദേശീയ ടീമിലേക്ക് സെലക്ഷന്‍ ലഭിച്ചത് ഇര്‍ഫാന്‍െറ ഒളിമ്പിക്സ് ‘സ്വപ്നങ്ങള്‍ക്ക് വേഗമേകി. റഷ്യയില്‍ നടന്ന ചാമ്പ്യന്‍ഷിപ്പില്‍ ഒരു മണിക്കൂര്‍ 22:09 മിനിറ്റ് കൊണ്ട് ഫിനിഷ് ചെയ്ത് എ ഗ്രേഡ് യോഗ്യത മാര്‍ക്ക് നേടിയാണ് ഇര്ഫാന് ലണ്ടനിലേക്ക് നടക്കുന്നു.
Tuesday, 31 July 2012
ഗഗന് വെങ്കലം; ഇന്ത്യയുടെ ആദ്യ മെഡല്‍
701.1 പോയിന്‍റാണ് ഗഗന് നേടിയത്. മൊത്തം പത്ത് റൗണ്ട് ഷൂട്ടിങില്‍ ഇടക്ക് ഗഗന് രണ്ടാം സ്ഥാനത്തേക്ക് കയറിയെങ്കിലും പത്താം റൗണ്ടില്‍ മൂന്നാം സ്ഥാനത്തേക്ക് എത്തുകയായിരുന്നു.
റുമേനിയയുടെ അലിന്‍ ജോര്‍ജ്ജിനാണ് (702.1 പോയിന്റ്) ഈ ഇനത്തില്‍ സ്വര്‍ണം. ഇറ്റലിയുടെ നിക്കോളൊ കാംപ്രിയാനി വെള്ളി സ്വന്തമാക്കി (701.5 പോയിന്റ്).
ഒളിമ്പിക്സില് കഴിഞ്ഞ രണ്ടുതവണയും മെഡലൊന്നും നേടാന്‍ കഴിയാതിരുന്ന ഗഗന് ഇത്തവണ പ്രായശ്ചിത്തം ചെയ്യനുറച്ചാണ് ലണ്ടനിലെത്തിയിരുന്നത്. ഐ.എസ്.എസ്.എഫ് ലോകകപ്പുകളിലും ലോക ചാമ്പ്യന്‍ഷിപ്പുകളിലും ഒട്ടേറെ മെഡലുകള്‍ നേടിയ ഗഗന് കോമണ്‍വെല്‍ത്ത് ഗെയിംസിലും ഏഷ്യാഡിലും മെഡലുകള്‍ സ്വന്തമാക്കിയിട്ടുണ്ട്. 2008ല്‍ ഒരു തവണ ലോക റെക്കോഡിലേക്ക് നിറയൊഴിച്ച ഈ ഹൈദരാബാദുകാരനെ ഒളിമ്പിക്സിന്റെറഞ്ചില്‍ ഇതുവരെ ഭാഗ്യം കനിഞ്ഞിട്ടില്ലായിരുന്നു. എന്നാലിപ്പോള്‍ ഒളിമ്പിക്സിലും ഗഗന് മെഡല്‍ തിളക്കത്തിലേറിയിരിക്കുന്നു.
Sunday, 29 July 2012
ഒളിമ്പിക്സ് ചരിത്രം 1896-2012
- 1896
- ആതന്സ്
ജേതാക്കള്‍ക്ക് വെള്ളിമെഡലും ഒലിവ് കിരീടവും സര്‍ട്ടിഫിക്കറ്റും സമ്മാനിക്കപ്പെട്ടു. രണ്ടാമതെത്തുന്നയാള്‍ക്ക് ഒാട് മെഡലും ഒപ്പം സര്‍ട്ടിഫിക്കറ്റും ഒലീവ് കിരീടവും നല്‍കി. പങ്കെടുത്തവര്‍ക്കെല്ലാം 'സ്മരണപ്പതക്കങ്ങള്‍' സമ്മാനിക്കപ്പെട്ടു. ട്രിപ്പിള്‍ ജംപില്‍ ഒന്നാം സ്ഥാനത്തെത്തിയ അമേരിക്കയുടെ ജെയിംസ് ബ്രന്‍ഡന്‍ കോണോളി ഒളിംപിക്സിലെ ആദ്യജേതാവ് എന്ന സ്ഥാനം കരസ്ഥമാക്കി. ജര്‍മനിയില്‍ നിന്നുള്ള കാള്‍ ഷൂമാന്‍ 4 ഇനങ്ങളില്‍ ഒന്നാമതെത്തി. ജേതാക്കള്‍ക്കെല്ലാം മേളയുടെ അവസാനദിനത്തില്‍ സമ്മാനംനല്‍കി. ജോര്‍ജ് ഒന്നാമന്‍ രാജാവായിരുന്നു സമ്മാനദാനം നിര്‍വഹിച്ചത്. 43 മത്സരങ്ങള്‍ നടന്നപ്പോള്‍ 11 ഒന്നാം സ്ഥാനവും 6 രണ്ടാം സ്ഥാനങ്ങളും സ്വന്തമാക്കി അമേരിക്ക ഒന്നാമതെത്തി.
- 1900
- പാരിസ്
വനിതകള്‍ പങ്കെടുത്ത ആദ്യ ഒളിംപിക്സ് മേള എന്ന പ്രത്യേകത പാരിസ് ഗെയിംസിന് അവകാശപ്പെട്ടതാണ്. അഞ്ചു മാസത്തോളം നീണ്ടുനിന്ന മേളയില്‍ 24 രാജ്യങ്ങളില്‍നിന്നായി 1225 താരങ്ങള്‍ പങ്കെടുത്തു. ഇതില്‍ 22 പേര് വനിതകളായിരുന്നു. 880 അത്ലറ്റുകളും ഫ്രാന്‍സിന്‍െറ താരങ്ങളായിരുന്നു. 18 കായികവിഭാഗങ്ങളിലായി 95 ഇനങ്ങള്‍ അരങ്ങേറി. യൂണിവേഴ്സല്‍ പാരീസ് എക്സ്പോ എന്ന വ്യാപാരമേളയുമായി ബന്ധപ്പെടുത്തിയായിരുന്നു അന്നു പാരിസില്‍ ഒളിംപിക്സ് സംഘടിപ്പിച്ചത്. എന്നാല്‍ മാസങ്ങള്‍ നീണ്ട മേള പ്രതീക്ഷയ്ക്കൊത്ത് ഉയര്‍ന്നില്ല. ലോണ്‍ ടെന്നീസില്‍ വിജയിച്ച ബ്രിട്ടന്‍െറ ഷാര്‍ലെറ്റ് കൂപ്പര്‍ ഒളിംപിക്സിലെ പ്രഥമ വനിതാജേതാവായി.
ക്രിക്കറ്റ്, ക്രോക്കറ്റ്, പ്രവിനെ വെടിവച്ചുവീഴ്ത്തല്‍, തടസങ്ങള്‍ക്കിടയിലൂടെയുള്ള നീന്തല്‍ തുടങ്ങിയ കായിക ഇനങ്ങള്‍ ആദ്യമായും അവസാനമായും ഒളിംപിക്സില്‍ അരങ്ങേറി. ഫുട്ബോള്‍ മത്സരങ്ങള്‍ ഒളിംപിക്സില്‍ ആദ്യമായി ഉള്‍പ്പെടുത്തിയത് പാരിസിലാണ്. നാല് വിഭാഗങ്ങളില്‍ ജേതാവായ ആല്‍വിന്‍ ക്രെന്‍സ്ലീന്‍ മേളയില്‍ തിളങ്ങി. ആതിഥേയരായ ഫ്രാന്‍സ് തന്നെയായിരുന്നു കൂടുതല്‍ മത്സരങ്ങളില്‍ ഒന്നാം സ്ഥാനത്ത് എത്തിയത്.
- 1904
- സെന്റ് ലൂയിസ്
ആകെ 12 രാജ്യങ്ങളില്‍ നിന്നായി 645 അത്ലറ്റുകള്‍ പങ്കെടുത്തു. വനിതകള്‍ എട്ടു പേര് മാത്രമായി. 17 വിഭാഗങ്ങളിലായി 91 കായിക ഇനങ്ങള്‍ നടന്നു. ആറ് മെഡലുകള്‍ നേടിയ അമേരിക്കന്‍ ജിംനാസ്റ്റ് ജോര്‍ജ് എക്സര്‍ മിന്നുന്ന പ്രകടനം കാഴ്ചവച്ചു. ആധുനിക ഒളിംപിക്സില്‍ ആദ്യമായി ബോക്സിങും ഗുസ്തിയും അരങ്ങേറി. മെഡല്‍ പട്ടികയില്‍ അമേരിക്ക ഒന്നാമതെത്തി. ബ്രിട്ടന്‍ മേളയില്‍ നിന്നു മാറിനിന്നു.
- 1908
- ലണ്ടന്
നാലാം മേള നടത്താന്‍ ഇറ്റലിയിലെ റോമിനായിരുന്നു അവസരം ലഭിച്ചതെങ്കിലും 1906-ല്‍ ഉണ്ടായ വെസൂവിയസ് കൊടുമുടി ഉള്‍സ്ഫോടനത്തെത്തുടര്‍ന്ന് ഇറ്റലി പിന്‍മാറുകയായിരുന്നു. ഒളിംപിക്സിന് ആതിഥേയത്വം വഹിക്കാന്‍ തയാറാണെന്ന് ബ്രിട്ടന്‍ അറിയിച്ചതോടെ ഐഒസി ലണ്ടന് വേദി സമ്മാനിച്ചു. രാജ്യാന്തര വാണിജ്യ പ്രദര്‍ശനങ്ങളോടോ മറ്റ് വാണിഭമേളയോടോ ചേര്‍ന്നായിരുന്നില്ല ലണ്ടന് ഒളിംപിക്സ് നടന്നത് എന്നത് പ്രത്യേകതയായിരുന്നു.
22 രാജ്യങ്ങളില്‍ നിന്നായി 2035 കായികതാരങ്ങള്‍ പങ്കെടുത്തു. വനിതകള്‍ 36 പേര് മാത്രവും. 22 കായിക വിഭാഗങ്ങളിലായി 110 മത്സരങ്ങള്‍ നടന്നു. ഡൈവിങും ഹോക്കിയും ആദ്യമായി ഒളിംപിക്സിലെത്തി. അത്ലറ്റുകള്‍ ഉദ്ഘാടനച്ചടങ്ങില്‍ മാര്‍ച്ച് ചെയ്തുവരുന്ന രീതിക്ക് ലണ്ടന് മേള തുടക്കമിട്ടു. ബ്രിട്ടീഷ് നീന്തല്‍ താരം ഹെന്റി ടെയ്ലറും അമേരിക്കന്‍ അത്ലറ്റ് മെല്‍വിന്‍ ഷപ്പേര്‍ഡും മൂന്നു സ്വര്‍ണം വീതം നേടി മേളയില്‍ തിളങ്ങി.
- 1912
- സ്റ്റോക്ക്ഹോം
പെന്‍റാത്ലണിലും ഡെക്കാത്ലണിലും സ്വര്‍ണം സ്വന്തമാക്കിയ അമേരിക്കയുടെ തോര്‍പ്പ് ഒളിംപിക്സ് ചരിത്രത്തിലെ വീരപുരുഷന്മാരിലൊരാളായി മാറി. എന്നാല്‍ ജിം തോര്‍പ്പ് പണത്തിനായി മുന്‍പ് ബേസ്ബോള്‍ കളിച്ചു എന്നാരോപിച്ച് ഐഒസി അദ്ദേഹത്തില്‍നിന്ന് മെഡലുകള്‍ തിരികെ വാങ്ങി. പ്രൊഫഷണല്‍ താരങ്ങള്‍ ഒളിംപിക്സില്‍ പങ്കെടുക്കാന്‍ പാടില്ല എന്ന നിയമം തെറ്റിച്ചതിനായിരുന്നു ഈ നടപടി. (പിന്നീട് 1983- ല്‍ തോര്‍പ്പിന്റെ കുടുംബത്തിന് മെഡലുകള്‍ തിരികെ നല്‍കി ഐഒസി പ്രായശ്ചിത്തം ചെയ്തു.
- 1920
- ആന്‍റ്വെര്‍പ്പ്
ഫെന്‍സിങ് താരം വിക്ടര്‍ ബോയിനാണ് ആദ്യമായി സത്യപ്രതിജ്ഞയെടുത്ത അത്ലറ്റ്. ഒളിംപിക്സ് പതാക മേളയിലുടനീളം പാറിപ്പറന്നത് ആദ്യമായിട്ടാണ്. പതാകയിലെ അഞ്ചു വളയങ്ങള്‍ ഒളിംപിക്സിന്റെ ഔദ്യോഗിക ചിഹ്നമായി അംഗീകരിക്കപ്പെട്ടതും ഇവിടെവച്ചാണ്. 29 രാജ്യങ്ങള്‍ പങ്കെടുത്തു. 22 കായികവിഭാഗങ്ങളിലായി 153 ഇനങ്ങള്‍ നടന്നു. ഫിന്‍ലണ്ടിന്‍െറ ഇതിഹാസതാരം 'പറക്കുംഫിന്‍' പാവോ നൂര്‍മിയുടെ അരങ്ങേറ്റത്തിനും ആന്‍റ്വെര്‍പ്പ് സാക്ഷ്യം വഹിച്ചു. മെഡല്‍വേട്ടയില്‍ അമേരിക്കതന്നെ ഒന്നാമതെത്തി. സ്വീഡന്‍ രണ്ടാമതും ബല്‍ജിയം മൂന്നാമതുമെത്തി. സെയിലിങ്ങിലെ ഒരു മല്‍സരം ഡച്ച് അധീനതയിലുളള ജലാശയത്തിലാണ് നടത്തിയത്. അങ്ങനെ രണ്ടു രാജ്യങ്ങളിലായി നടത്തപ്പെട്ട ആദ്യ ഒളിംപിക്സ് എന്ന പേര് 1920 മേളയ്ക്കു ലഭിച്ചു.
- 1924
- പാരീസ്
1000 പത്രപ്രവര്‍ത്തകരും ആറു ലക്ഷം കാണികളും മേളയ്ക്ക് സാക്ഷ്യം വഹിച്ചു. 136 വനിതകള്‍ ഉള്‍പ്പെടെ 3092 താരങ്ങള്‍ പങ്കെടുത്തു. പാവോ നൂര്‍മി അഞ്ചു സ്വര്‍ണം നേടി ചരിത്രത്തിന്‍െറ ഭാഗമായി. പുരുഷ അത്ലറ്റുകളെ ആദ്യമായി തടികൊണ്ടുള്ള ക്യാബിന്‍ നിര്‍മിച്ച്, 'ഒളിംപിക് ക്യാംപ്' എന്ന പേരില്‍ ഒരിടത്ത് പാര്‍പ്പിച്ചു. വനിതകളെ ഹോട്ടലുകളിലും താമസിപ്പിച്ചു. ടെന്നീസ് മത്സരങ്ങള്‍ പാരീസ് ഒളിംപിക്സോടുകൂടി മതിയാക്കി. (പിന്നീട് 1988 ലാണ് ടെന്നിസ് മല്‍സരങ്ങള്‍ ഒളിംപിക്സില്‍ പുനരാരംഭിച്ചത്).
- 1928
- ആംസ്റ്റര്‍ഡാം
ഉദ്ഘാടനവേളയില്‍ ഒളിംപിക്സ് ദീപശി ആദ്യമായി തിരികൊളുത്തപ്പെട്ടത് 1928 മേളയിലായിരുന്നു. 1912-നുശേഷം ജര്‍മനി ആദ്യമായി ഒളിംപിക്സില്‍ പങ്കെടുത്തു. അമേരിക്കയുടെ ബെറ്റി റോബിന്‍സണ്‍ അത്ലറ്റിക്സില്‍ സ്വര്‍ണം നേടുന്ന ആദ്യ വനിതയായി-100 മീ. ഒാട്ടത്തിലായിരുന്നു ബെറ്റിയുടെ നേട്ടം. മെഡലുകള്‍ക്ക് സ്ഥിരമായ രൂപം കൈവന്നത് 1928-ലെ മേള മുതലാണ്. അമേരിക്കയും ജര്‍മനിയും ഒന്നും രണ്ടും സ്ഥാനത്തെത്തി.
- 1932
- ലോസ് ഏഞ്ചല്‍സ്
ചരിത്രത്തിലാദ്യമായി പൂര്‍ണസജ്ജമായ 'ഒളിംപിക് ഗ്രാമം' പടുത്തുയര്‍ത്തിയത് 1932-ലെ മേളയിലായിരുന്നു. എല്ലാവിധ സംവിധാനങ്ങളും ഈ ഗ്രാമത്തിലുണ്ടായിരുന്നു. സ്ത്രീകള്‍ ഹോട്ടലുകളില്‍ താമസിച്ചു. ഒാട്ടോമാറ്റിക് ടൈമിങ് സംവിധാനം നിലവില്‍വന്നു. മത്സരം കഴിയുമ്പോള്‍ തന്നെ മെഡല്‍ദാനം ചെയîുന്ന രീതി നിലവില്‍വന്നു. മുമ്പു മേളകളുടെ അവസാനദിനങ്ങളിലായിരുന്നു മെഡലുകള്‍ നല്‍കപ്പെട്ടത്. ഒരു രാജ്യത്തുനിന്ന് ഒരിനത്തില്‍ പങ്കെടുക്കുന്നവരുടെ എണ്ണം മൂന്നായി ചുരുക്കി. 1900നു ശേഷം ഫുട്ബോള്‍ ആദ്യമായി മല്‍സര ഇനമല്ലാതാക്കി.
- 1936
- <ബര്‍ലിന്‍
ഒളിംപിക്സിന് ജന്മം നല്‍കിയ ഒളിംപിയയില്‍നിന്നു മേള നടക്കുന്ന വേദിയിലേക്ക് ദീപശിഖ എത്തിക്കുന്ന രീതി ബര്‍ലിനിയില്‍ തുടങ്ങി. ഡോ. കാള്‍ ഡീം എന്നയാളുടെ ബുദ്ധിയില്‍ ഉദിച്ച ആശയമായിരുന്നു ഇത്. ഏഴു രാജ്യങ്ങളും 3000 കിലോമീറ്ററും താണ്ടിയായിരുന്നു അന്നു ദീപശിഖ ബര്‍ലിനിലെത്തിയത്. 49 രാജ്യങ്ങളും 4000ലേറെ താരങ്ങളും പങ്കെടുത്ത ഒളിംപിക്സില്‍ 19 കായികവിഭാഗങ്ങളിലായി മത്സരങ്ങള്‍ നടന്നു. നാലിനങ്ങളിലായി നാലു സ്വര്‍ണം സ്വന്തമാക്കിയ ജെസ്സി ഒാവന്‍സ് ഒളിംപിക്സ് ചരിത്രത്തിലെ വീരപുരുഷനായി മാറി. പുരുഷന്മാരുടെ ഹാന്‍ഡ്ബോളും ബാസ്ക്കറ്റ് ബോളും ആദ്യമായി ഒളിംപിക്സില്‍ അരങ്ങേറി.
- 1948
- ലണ്ടന്
1908 ഒളിംപിക്സ് അരങ്ങേറിയ ലണ്ടനിലെ വെബ്ലി സ്റ്റേഡിയത്തില്‍തന്നെയായിരുന്നു 1948-ലെ ഒളിംപിക്സും. 59 രാജ്യങ്ങള്‍ മേളയ്ക്കെത്തി. 385 സ്ത്രീകള്‍ ഉള്‍പ്പെടെ 4099 താരങ്ങള്‍ പങ്കെടുത്തു. ജര്‍മനിയെയും ജപ്പാനെയും ഐഒസി മേളയ്ക്ക് ക്ഷണിച്ചില്ല. 'പറക്കും വീട്ടമ്മ' ഹോളണ്ടിന്‍െറ ഫാനി ബ്ളാങ്കേഴ്സ് കോയന്‍ നാലിനങ്ങളില്‍ സ്വര്‍ണം ചൂടി മേളയില്‍ മികവുകാട്ടി. കലാമത്സരങ്ങള്‍ ഏറ്റവും അവസാനമായി ഒളിംപിക്സില്‍ അരങ്ങേറിയതും 1948-ലായിരുന്നു.
- 1952
- ഹെല്‍സിങ്കി
ഒളിംപിക്സ് സ്മരണാര്‍ഥം ആദ്യമായി പുറത്തിറക്കിയ നാണയവും ഈ മേളയുടെ സവിശേഷതയായിരുന്നു. ഫിന്നിഷ് ഇതിഹാസങ്ങളായ പാവോ നൂര്‍മി, ഹാന്‍സ് കൊളിമെയ്നന്‍ എന്നിവര്‍ രണ്ടു ദീപങ്ങള്‍ വേദിയില്‍ തെളിയിച്ചതോടെ മേള തുടങ്ങി. മുമ്പ് ഒളിംപിക്സിലുണ്ടായിരുന്ന കലാമത്സരങ്ങള്‍ പ്രദര്‍ശനയിനമാക്കി. ചെക്കോസ്ലാവക്യയുടെ എമില്‍ സാട്ടോപെക്ക് എന്ന ഇതിഹാസത്തിന്‍െറ ഉദയവും ഹെല്‍സിങ്കിയില്‍ കണ്ടു. 5000 മീ, 10000 മീ, മാരത്തോണ്‍ എന്നിവയില്‍ സ്വര്‍ണം കൈയടക്കി 'ചെക്ക് എക്സ്പ്രസ്'് റെക്കോര്‍ഡ് കുറിച്ചു. 1952 ലെ ഒളിംപിക്സില്‍ അദ്ദേഹത്തിന്‍െറ ഭാര്യ ഡാണായും സ്വര്‍ണജേതാവായിരുന്നു- ജാവലിന്‍ ത്രോയില്‍. മെഡല്‍ വേട്ടയില്‍ അമേരിക്ക ഒന്നാമതും സോവിയറ്റ് യൂണിയന്‍ രണ്ടാം സ്ഥാനത്തുമെത്തി.
- 1956
- മെല്‍ബണ്‍
വര്‍ഷങ്ങളായി അമേരിക്ക പുലര്‍ത്തിയ മികവിന് ഇത് വന്‍തിരിച്ചടിയായി. കിഴക്കന്‍ ജര്‍മനിയും പടിഞ്ഞാറന്‍ ജര്‍മനിയും സംയുക്തടീമായി മത്സരിച്ചു. സോവിയറ്റ് യൂണിയന്‍െറ ഹംഗറി അധിനിവേശത്തില്‍ പ്രതിഷേധിച്ച് സ്പെയിന്‍, സ്വിറ്റ്സര്‍ലന്‍ഡ്, ഹോളണ്ട് എന്നീ രാജ്യങ്ങള്‍ മേള ബഹിഷ്കരിച്ചു. തയ്വാനെ പങ്കെടുപ്പിച്ചതില്‍ പ്രതിഷേധിച്ച് ചൈനയും പിന്‍മാറി. ഈജിപ്തിലെ ഇസ്രായേലി അധിനിവേശത്തില്‍ പ്രതിഷേധിച്ച് ഈജിപ്റ്റും ഇറാഖും ലബനനും പിന്‍വാങ്ങി. നാലു സ്വര്‍ണവും ഒരു വെളളിയും ഒരു വെങ്കലവും നേടി സോവിയറ്റ് ജിംനാസ്റ്റ് ലാറിസ ലാറ്റിനിനെ മേളയുടെ താരമായി.
- 1960
- റോം
വര്‍ണവിവേചനം മൂലം ദക്ഷിണാഫ്രിക്കയുടെ അവസാനമേളയായി റോം ഒളിംപിക്സ്. പിന്നീടവര്‍ 1992-ല്‍ മാത്രമാണ് അവര്‍ തിരികെയെത്തിയത്. ബോക്സിങ്ങില്‍ മുഹമ്മദ് അലി എന്ന കാഷ്യസ് ക്ലേ സ്വര്‍ണജേതാവുകുന്നതിനും റോം സാക്ഷിയായി. അന്ന് അലിക്കാവട്ടെ 18 വയസ് മാത്രം പ്രായവും. സോവിയറ്റ് യൂണിയന്‍ 42 സ്വര്‍ണവുമായി ഒന്നാമതും യുഎസ് 34 സ്വര്‍ണവുമായി രണ്ടാമതുമെത്തി. കുട്ടിക്കാലത്ത് പോളിയോയുടെ പിടിയിലായ അമേരിക്കയുടെ വില്‍മ റുഡോള്‍ഫ് മൂന്നു സ്വര്‍ണവുമായി മേളയില്‍ തിളങ്ങിയോപ്പോള്‍ മൂന്നു സ്വര്‍ണവും രണ്ടു വെളളിയും ഒരു വെങ്കലവുമായി സോവിയറ്റ് ജിംനാസ്റ്റ് ലാറിസ ലാറ്റിനിനെ റോമിലും മെഡല്‍ വേട്ട ആവര്‍ത്തിച്ചു.
- 1964
- ടോക്കിയോ
മെഡല്‍ പട്ടികയില്‍ അമേരിക്ക സോവിയറ്റ് യൂണിയനെ പിന്തള്ളി. നാലു സ്വര്‍ണം നേടിയ അമേരിക്കയുടെ ഡോണ്‍ സ്കോലാന്‍ഡര്‍ മികച്ച പ്രകടനമാണ് കാഴ്ചവച്ചത്. 36 സ്വര്‍ണവുമായി യുഎസ് ഒന്നാമതും 30 സ്വര്‍ണവുമായി സോവിയറ്റ് യൂണിയന്‍ രണ്ടാമതും 16 സ്വര്‍ണവുമായി ആതിഥേയരായ ജപ്പാന്‍ മൂന്നാമതുമെത്തി.
- 1968
- മെക്സിക്കോ സിറ്റി
ഏറ്റവും ഉയരത്തില്‍ നടന്ന ഒളിംപിക്സ് എന്ന പ്രത്യകത മെക്സിക്കോ മേളയെ വ്യത്യസ്ഥയാക്കുന്നു. 1968-ലെ ഒളിംപിക്സിന് മെക്സിക്കോ സിറ്റിയെ തെരഞ്ഞെടുത്തത് വന്‍ വിവാദമുയര്‍ത്തി. സമുദ്രനിരപ്പില്‍ നിന്ന് 2,240 മീറ്റര്‍ ഉയരത്തില്‍ സ്ഥിതി ചെയîുന്ന ഈ പ്രദേശത്തെ വായുവില്‍ ഒാക്സിജന്‍െറ അളവ് സാധാരണ കാണുന്നതില്‍ നിന്നു 30 ശതമാനം കുറവായിരിക്കും. ഇത് അത്ലറ്റുകള്‍ക്ക് പ്രയാസമുണ്ടാക്കും എന്നതായിരുന്നു മെക്സിക്കോയില്‍ ഒളിംപിക്സ് നടത്തുന്നതിനുള്ള പ്രധാന ന്യൂനതയായി ചൂണ്ടിക്കാണിക്കപ്പെട്ടത്. എന്നാല്‍ ഒളിംപിക്സിന് തൊട്ടുമുമ്പുള്ള മൂന്ന് വര്‍ഷങ്ങളിലും ഒളിംപിക്സ് വാരം ആഘോഷിച്ച് മെക്സിക്കോ നഗരം മഹാമേളയ്ക്ക് അകമ്പടിയേറ്റി. മാത്രവുമല്ല പുതിയ സാഹചര്യവുമായി അത്ലറ്റുകള്‍ക്ക് ഇണങ്ങിച്ചേരുവാന്‍ ഒളിംപിക്സിന് ആറാഴ്ച മുമ്പ് തന്നെ ഇവിടെ പരിശീലിക്കുവാന്‍ അവസരവും നല്‍കി.
112 രാജ്യങ്ങളില്‍ നിന്നായി 5516 അത്ലറ്റുകള്‍ പങ്കെടുത്തു. 20 കായികവിഭാഗങ്ങളിലായ 172 ഇനങ്ങള്‍ അരങ്ങേറി. 34 ലോക റെക്കോര്‍ഡുകളും 38 ഒളിംപിക് റെക്കോര്‍ഡുകളും മെക്സിക്കോയില്‍ പിറന്നപ്പോള്‍ വിമര്‍ശകര്‍ക്ക് തല താഴ്ത്തേണ്ടിവന്നു. ആഫ്രിക്കന്‍ രാജ്യങ്ങളുടെ സമ്മര്‍ദത്തെത്തുടര്‍ന്ന് ദക്ഷിണാഫ്രിക്കയെ പങ്കെടുപ്പിക്കേണ്ടെന്ന് തീരുമാനിച്ചു. വനിതതാരങ്ങള്‍ക്കു ലിംഗപരിശോധന ഏര്‍പ്പെടുത്തി. ചരിത്രത്തിലാദ്യമായി ഒരു വനിതാ അത്ലറ്റ് ഒളിംപിക് ദീപം തെളിയിച്ചു-നോര്‍മ സോറ്റേലോ. ബോബ് ബിമോന്‍ ലോങ്ജംപില്‍ ചാടിയ 8.90 മീറ്റര്‍ ലോകറെക്കോര്‍ഡ് പ്രകടനം മെക്സിക്കോമേളയ്ക്ക് ശോഭയേകി. അമേരിക്കയുടെ കറുത്ത വര്‍ഗക്കാരായ അത്ലറ്റുകള്‍ ടോമി സ്മിത്തും ജോണ്‍ കാര്‍ലോസും വിക്ടറി സ്റ്റാന്‍ഡില്‍ നടത്തിയ 'ബ്ലാക്ക് സല്യൂട്ട്' പ്രതിഷേധം ഏറെ വിവാദം സൃഷ്ടിച്ചു. മത്സരങ്ങളിലെ വിജയികള്‍ക്ക് 'ഡോപ്പിങ് ടെസ്റ്റ്' ഏര്‍പ്പെടുത്തിയതും ഈ മേളയിലായിരുന്നു.
- 1972
- മ്യൂണിക്ക്
ജര്‍മനിയില്‍ ഒരിക്കല്‍ക്കൂടി ഒളിംപിക്സ് വിരുന്നിനെത്തി. 121 രാഷ്ട്രങ്ങളില്‍നിന്ന് 7,173 അത്ലറ്റുകള്‍ മത്സരിച്ചു. 23 കായികവിഭാഗങ്ങളിലായി 195 ഇനങ്ങള്‍ അരങ്ങേറി. ചരിത്രത്തിലാദ്യമായി ഒരു വനിതാ അത്ലറ്റ് സത്യവാചകം ചൊല്ലിക്കൊടുത്തു. ഹീഡി ബ്ലര്‍ക്കിനായിരുന്നു ആ ഭാഗ്യം ലഭിച്ചത്. ഗെയിംസ് ഒഫീഷ്യലുകള്‍ ആദ്യമായി പ്രതിജ്ഞയെടുത്തു. ഭാഗ്യമുദ്ര ആദ്യമായി സമ്മര്‍ ഒളിംപിക്സില്‍ അവതരിപ്പിക്കപ്പെട്ടതും 1972-ലായിരുന്നു-വാള്‍ഡി. റോഡേഷ്യ പങ്കെടുക്കാനെത്തിയെങ്കിലും മറ്റ് രാജ്യങ്ങളുടെ സമ്മര്‍ദത്തെത്തുടര്‍ന്ന് അവരെ ഐഒസി വിലക്കി.
ഒളിംപിക്സിന്റെ 10-ാംദിവസം നടന്ന തീവ്രവാദ ആക്രമണം ഒളിംപിക്സ് ചരിത്രത്തിലെ കറുത്ത ദിനമായി. \'ബ്ലാക്ക് സെപ്റ്റംബര്‍\' എന്ന പലസ്തീന്‍ തീവ്രവാദി സംഘടന 1972 സെപ്റ്റംബര്‍ 5 ന് നടത്തിയ രക്തച്ചൊരിച്ചിലില്‍ 11 ഇസ്രായേലി അത്ലറ്റുകള്‍ ഉള്‍പ്പെടെ 13 പേര് കൊല്ലപ്പെട്ടു. അഞ്ചു തീവ്രവാദികളും കൊല്ലപ്പെട്ടു. മത്സരങ്ങള്‍ 34 മണിക്കൂര്‍ നിര്‍ത്തിവച്ചെങ്കിലും പിന്നീട് പുനരാരംഭിച്ചു. നീന്തലിലെ ഏഴിനങ്ങളില്‍ സ്വര്‍ണവും ലോകറെക്കോര്‍ഡും കുറിച്ച അമേരിക്കയുടെ മാര്‍ക്ക് സ്പിറ്റ്സ് മേളയുടെ ഒാമനയായി.
- 1976
- മൊണ്‍ട്രിയോള്‍
1976-ലെ മൊണ്‍ട്രിയോള്‍ ഒളിംപിക്സില്‍ നിന്നു 22 ആഫ്രിക്കന്‍ രാജ്യങ്ങള്‍ വിട്ടുനിന്നത് മേളയുടെ നിറം കെടുത്തി. വംശീയ ആധിപത്യം നിലനിന്ന ദക്ഷിണാഫ്രിക്കയിലേക്ക് റഗ്ബി ടീമിനെ മത്സരിപ്പിക്കാനയച്ച ന്യൂസിലാന്‍ഡിന്‍െറ നിലപാടിനെതിരെ നടപടി കൈക്കൊള്ളാത്ത ഒളിംപിക് കമ്മിറ്റിയുടെ തീരുമാനത്തില്‍ പ്രതിഷേധിച്ചായിരുന്നു ഈ രാജ്യങ്ങള്‍ സംയുക്തമായി പിന്‍മാറിയത്. 92 രാജ്യങ്ങളില്‍ നിന്നായി 6,084 അത്ലറ്റുകള്‍ മേളയില്‍ പങ്കെടുത്തു. 21 കായികവിഭാഗങ്ങളിലായി 198 ഇനങ്ങള്‍ അരങ്ങേറി.
റുമേനിയയില്‍ നിന്നുള്ള പതിനാലുകാരി നാദിയ കൊമനേച്ചി ചരിത്രത്തിന്‍െറ ഭാഗമായി. ജിംനാസ്റ്റിക്സിലെ 'പെര്‍ഫെക്ട്-10' എന്ന മാന്ത്രികപോയിന്‍റ് ഏഴു തവണ നാദിയ ആവര്‍ത്തിച്ച് ഒളിംപിക്സ് ഇതിഹാസങ്ങളിലൊരാളായി മാറി. ഹോക്കി ആദ്യമായി കൃത്രിമ പിച്ചില്‍ നടന്നു. 1928-നുശേഷം ഇന്ത്യന്‍ ഹോക്കി ആദ്യമായി മെഡല്‍ പട്ടികയ്ക്ക് പുറത്തായി. ഉപഗ്രഹസഹായത്തോടെ, ഇലക്ട്രോണിക് സിഗ്നലുകളാല്‍ ഒളിംപിക് ദീപശി ആദ്യമായി വായുവിലൂടെ കടല്‍കടന്ന് സഞ്ചരിച്ച് ചരിത്രത്തിന്‍െറ ഭാഗമായി. കിഴക്കന്‍ ജര്‍മനിയുടെ കോര്‍ണീലിയാ എന്‍ഡര്‍ നീന്തല്‍ക്കളത്തില്‍ നിന്ന് നാലു സ്വര്‍ണവും ഒരു വെള്ളിയും സ്വന്തമാക്കി. സ്വര്‍ണമെഡല്‍വേട്ടയില്‍ സോവിയറ്റ് യൂണിയന്‍, കിഴക്കന്‍ ജര്‍മനി, യുഎസ്എ എന്നിവര്‍ യഥാക്രമം ആദ്യ മൂന്ന് സ്ഥാനങ്ങള്‍ സ്വന്തമാക്കി.
- 1980
- മോസ്കോ
80 സ്വര്‍ണവും 69 വെള്ളിയും 47 വെങ്കലവും നേടി സോവിയറ്റ് യൂണിയന്‍ ഒന്നാമതായി. കിഴക്കന്‍ ജര്‍മനിയും ബള്‍ഗേറിയും രണ്ടും മൂന്നും സ്ഥാനത്തെത്തി. സോവിയറ്റ് യൂണിയന്‍െറ ജിംനാസ്റ്റിക് താരം അലക്സാണ്ടര്‍ ദിറ്റ്യാത്തിന്‍ മേളയിലുടനീളം 8 മെഡലുകള്‍ കൈക്കലാക്കി. മോസ്കോ മേളയില്‍ പങ്കെടുത്ത ഒരു മലയാളി അത്ലറ്റ് ചരിത്രത്തിന്‍െറ ഭാഗമായി-പയേîാളി എക്സ്പ്രസ് പി.ടി. ഉഷ. ഒളിംപിക്സില്‍ പങ്കെടുക്കുന്ന ആദ്യ മലയാളിവനിത.
- 1984
- ലോസ് ഏഞ്ചല്‍സ്
52 വര്‍ഷങ്ങള്‍ക്കുശേഷം വീണ്ടുമൊരിക്കല്‍ക്കൂടി ഒളിംപിക്സ് ലോസ് ഏഞ്ചല്‍സിലെത്തി. 1980-ലെ മോസ്കോ ഒളിംപിക്സില്‍ പങ്കെടുക്കാതിരുന്ന അമേരിക്കയുടെ നടപടിക്ക് പകരം വീട്ടാന്‍ സോവിയറ്റ് യൂണിയനും 13 സ്യകക്ഷികളും അമേരിക്കയില്‍ നടന്ന ഈ മേളയില്‍ നിന്ന് വിട്ടുനിന്നു. എന്നാല്‍ പങ്കെടുക്കാതിരുന്നതിന് അവര്‍ പറഞ്ഞ കാരണം മറ്റൊന്നായിരുന്നു- സുരക്ഷാസംവിധാനത്തിലുളള അതൃപ്തി. എങ്കിലും പങ്കെടുക്കുന്ന രാജ്യങ്ങളുടെ എണ്ണത്തില്‍ 1984 മേള റെക്കോര്‍ഡിട്ടു-140 രാജ്യങ്ങള്‍. അമേരിക്കന്‍ സര്‍ക്കാരിന്‍െറ യാതൊരു സാമ്പത്തിക സഹായവുമില്ലാതെ നടന്ന ഈ മേള സ്വകാര്യവല്‍ക്കരിക്കപ്പെട്ട ഒളിംപിക് മേള എന്ന പേര് സ്വന്തമാക്കി.
വ്യക്തികളില്‍ നിന്നും കമ്പനികളില്‍ നിന്നും സംഭാവന സ്വീകരിച്ച് നടത്തിയ മേളയുടെ ആകെ ലാഭം 223 മില്യന്‍ യുഎസ് ഡോളറായിരുന്നു. പ്രസിഡന്‍റ് റോണാള്‍ഡ് റീഗന്‍ 100 ഡോളര്‍ സംഭാവന നല്‍കി. ടെലിവിഷന്‍ സംപ്രേക്ഷാവകാശം സ്വന്തമാക്കാന്‍ എബിസി നെറ്റ്വര്‍ക്ക് 225 മില്യന്‍ ഡോളറാണ് അതിനായി മുടക്കിയത്. 6797 അത്ലറ്റുകള്‍ പങ്കെടുത്തു. നാലു സ്വര്‍ണവുമായി കാള്‍ ലൂയീസ് മേളയില്‍ തിളങ്ങി. അതും അത്ലറ്റിക്സിലെ സൂപ്പര്‍ ഇനങ്ങളായ 100 മീ., 200 മീ., ലോങ്ജംപ്, 4* 100 മീറ്റര്‍ റിലേ എന്നിവയില്‍ ഒന്നാമതെത്തിക്കൊണ്ട്. വര്‍ഷങ്ങള്‍ക്കുശേഷം ചൈനയുടെ ഒളിംപിക്സ് പങ്കാളിത്തവും ഈ മേളയില്‍ കണ്ടു. 83 സ്വര്‍ണവും 61 വെള്ളിയും 30 വെങ്കലവുമായി അമേരിക്ക ഒന്നാമതെത്തി. റുമേനിയയും പശ്ചിമജര്‍മനിയും രണ്ടും മൂന്നും സ്ഥാനത്തും. ഒരു രാജ്യം ഏറ്റവും കൂടുതല്‍ സ്വര്‍ണം നേടിയ ഒളിംപിക്സും ലോസ് ഏഞ്ചല്‍സില്‍വച്ചായിരുന്നു-അമേരിക്ക (83 സ്വര്‍ണം).
- 1988
- സോള്‍
വര്‍ഷങ്ങള്‍ക്കുശേഷം ടെന്നീസ് മത്സരങ്ങള്‍ ഒളിംപിക്സില്‍ അരങ്ങേറി. ടേബിള്‍ ടെന്നിസും ആദ്യമായി നടത്തപ്പെട്ടു. അമേരിക്കയുടെ കായികസൌന്ദര്യം ഫ്ളോ ജോ എന്ന ഫ്ളോറന്‍ ഗ്രിഫിത്ത് ജോയ്നര്‍ സ്പ്രിന്‍റ് ഇനങ്ങളില്‍ നിന്നു രണ്ടു സ്വര്‍ണവും റിലേയില്‍ നിന്ന് ഒരു സ്വര്‍ണവും ഒരു വെള്ളിയും സ്വന്തമാക്കി മേളയ്ക്ക് കൊഴുപ്പേകി. മറ്റു രാജ്യങ്ങളെ ബഹുദൂരം പിന്നിലാക്കി റഷ്യ ഒന്നാം സ്ഥാനത്തെത്തി. (55 സ്വര്‍ണം, 31 വെള്ളി, 46 വെങ്കലം). കിഴക്കന്‍ ജര്‍മനിയും അമേരിക്കയും തൊട്ടു പിന്നിലെത്തി. ഒരു വര്‍ഷം തന്നെ നാലു ഗ്രാന്‍സ്ലാം കിരീടങ്ങള്‍ സ്വന്തമാക്കിയിരുന്ന സ്റ്റെഫി ഗ്രാഫ് ഒളിംപിക്സ് സിംഗിള്‍സും വിജയിച്ച് 'ഗോള്‍ഡന്‍ സ്ലാം' പട്ടം കൈവരിക്കുന്ന ഏക താരമായി. ഫെന്‍സിങ് താരം കെര്‍സ്റ്റിന്‍ പാം (സ്വീഡന്‍) ഏഴ് ഒളിംപിക്സുകളില്‍ പങ്കെടുക്കുന്ന ആദ്യ വനിത എന്ന ബഹുമതി സ്വന്തമാക്കി.
- 1992
- ബാര്‍സിലോന
ബേസ്ബോള്‍, ബാഡ്മിന്റണ് മത്സരങ്ങള്‍ ഒളിംപിക്സില്‍ അരങ്ങേറ്റം കുറിച്ചു. റഷ്യയുടെ നേതൃത്വത്തിലിറങ്ങിയ സംയുക്ത ടീം 45 സ്വര്‍ണമെഡലുകള്‍ സ്വന്തമാക്കി മെഡല്‍ പട്ടികയില്‍ ഒന്നാമതെത്തി. 37 സ്വര്‍ണവുമായി അമേരിക്ക രണ്ടാം സ്ഥാനത്തും. പ്രഫഷണലുകള്‍ക്ക് ബാസ്ക്കറ്റ്ബോളില്‍ പ്രവേശനം നല്‍കപ്പെട്ടു. അങ്ങനെ അമേരിക്കയുടെ ബാസ്ക്കറ്റ്ബോള്‍ \'ഡ്രീം ടീമില്‍\' മൈക്കല്‍ ജോര്‍ദാന്‍, മാജിക് ജോണ്‍സണ്‍, ലാറി ബേഡ് എന്നിവര്‍ മത്സരിച്ച് തങ്കപ്പതക്കമണിഞ്ഞു.
- 1996
- അറ്റ്ലാന്റാ
200 മീറ്ററിലും 400 മീറ്ററിലും സ്വര്‍ണം നേടി അമേരിക്കയുടെ മൈക്കല്‍ ജോണ്‍സണും ഫ്രാന്‍സിന്റെ മേരി ജോസ് പെരക്കും ഡബിള്‍ നേടി. സെയിലിങ് താരം ഹ്യൂബര്‍ട്ട് റൌഡാഷല്‍ 1964 മുതല്‍ തുടര്‍ച്ചയായി ഒമ്പതു ഒളിംപിക്സുകളില്‍ പങ്കെടുത്ത് റെക്കോര്‍ഡിട്ടു. വനിതകള്‍ക്കായി സോഫ്റ്റ് ബോള്‍ മത്സരങ്ങള്‍ ഈ മേളയില്‍ അരങ്ങേറ്റം കുറിച്ചു. ബീച്ച് വോളിബോള്‍, വനിതകളുടെ ഫുട്ബോള്‍, മൌണ്ടന്‍ ബൈക്കിങ് എന്നിവയും അറ്റ്ലാന്‍റയില്‍ അരങ്ങേറ്റം നടത്തി. ഇന്ത്യയുടെ ഏക മെഡല്‍(വെങ്കലം) ടെന്നീസിലൂടെ നേടി. മെഡല്‍ പട്ടികയില്‍ 44 സ്വര്‍ണവും 32 വെള്ളിയും 25 വെങ്കലവും നേടി അമേരിക്ക ഒന്നാമതെത്തി. റഷ്യ രണ്ടാമതും ജര്‍മനി മൂന്നാമതും.
- 2000
- സിഡ്നി
നീന്തലില്‍ ഒാസ്ട്രേലിയയുടെ ഇയാന്‍ തോര്‍പ്പ് മൂന്നു സ്വര്‍ണവും ഒരു വെള്ളിയും നേടി. വനിതകളുടെ ഭാരോദ്വഹനത്തില്‍ കര്‍ണം മല്ലേശ്വരി ഇന്ത്യയ്ക്കായി ഒരു വെങ്കലം സമ്മാനിച്ചു. 400 മീറ്ററില്‍ സ്വര്‍ണം നേടിയ ഒാസ്ട്രേലിയയുടെ കാത്തി ഫ്രീമാന്‍ ഒളിംപിക് സ്വര്‍ണം നേടുന്ന ആദിവാസിയായ ആദ്യവനിതയായി. ഉത്തേജകമരുന്ന് ഉപയോഗിച്ചതിനും ഏറ്റവും കൂടുതല്‍ പേര് പിടിക്കപ്പെട്ട ഒളിംപിക്സ് എന്ന പേരുദോഷം ഈ മേളയുടെ തലയിലായി. 39 സ്വര്‍ണവും 25 വെള്ളിയും 33 വെങ്കലവും ഉള്‍പ്പെടെ 97 മെഡലുകള്‍ നേടി അമേരിക്ക മെഡല്‍ പട്ടികയില്‍ ഒന്നാമതായി. (ഇതില്‍ മരിയന്‍ മൂന്നു സ്വര്‍ണവും രണ്ട് വെങ്കലും തിരികെ കൊടുത്തപ്പോള്‍ അമേരിക്കയുടെ നില ഇപ്രകാരമായി- 36, 25, 31) റഷ്യ രണ്ടാം സ്ഥാനത്തെത്തി-32 സ്വര്‍ണം, 28 വെള്ളി, 28 വെങ്കലം. ചൈനയും ആതിഥേയരായ ഒാസ്ട്രേലിയയും മൂന്നും നാലും സ്ഥാനങ്ങളിലെത്തി.
- 2004
- ആതന്സ്
പിറന്ന മണ്ണിലേക്ക് ഒളിംപിക്സ് വീണ്ടും. പാരമ്പര്യവും ചരിത്രവും സംസ്കാരവും നിറഞ്ഞുനില്‍ക്കുന്ന ആതന്‍സിന്‍െറ മണ്ണിലാണ് 28-ാമത് ഒളിംപിക്സിന് തിരിതെളിഞ്ഞത്. പുരാതന ഒളിംപിക്സിന്റെയും ആധുനിക ഒളിംപിക്സിന്റെയും ആദ്യ പതിപ്പുകള്‍ക്ക് ആതിഥ്യമരുളിയതും ഗ്രീസാ യിരുന്നു. ഒളിംപിക്സ് ദീപം ആദ്യമായി ലോകത്ത് എല്ലാ ഭൂഖണ്ഡങ്ങളിലും എത്തി. പങ്കെടുത്ത രാജ്യങ്ങളുടെ എണ്ണത്തിന്റെ കാര്യത്തില്‍ റെക്കോര്‍ഡായിരുന്നു- 201 രാജ്യങ്ങള്‍. 10, 625 അത്ലറ്റുകള്‍ പങ്കെടുത്തു. വനിതകള്‍ക്കുളള ഗുസ്തി മല്‍സരം ആദ്യമായി ഉള്‍പ്പെടുത്തിയത് ഇത്തവണയായിരുന്നു. നീന്തല്‍ താരം മൈക്കല്‍ ഫെല്‍പ്പ്സ് ആറു സ്വര്‍ണമുള്‍പ്പെടെ എട്ടു മെഡലുകള്‍ സ്വന്തമാക്കി. കനോയിങ് താരം ബിര്‍ജിറ്റ് ഫിഷര്‍ അഞ്ച് ഒളിംപിക്സ് മേളകളിലും ഇരട്ട മെഡല്‍ നേടുന്ന ആദ്യ അത്ലറ്റായി. ഇന്ത്യയുടെ ഷൂട്ടിങ് താരം രാജ്യവര്‍ധന്‍ സിങ് രത്തോര്‍ ഷൂട്ടിങ്ങില്‍ (ഡബിള്‍ ട്രാപ്പ്) വെളളി നേടി. മെഡല്‍ വേട്ടയില്‍ അമേരിക്ക മുന്നിട്ടുനിന്നു- 36 സ്വര്‍ണം, 39 വെളളി, 27 വെങ്കലം. ചൈനയും (32, 17, 14) റഷ്യയും (27, 27, 38) തൊട്ടുപിന്നില്‍.
ആതിഥേയ രാജ്യത്തിന്റെ സൂപ്പര്‍ അത്ലറ്റുകളായ കോസ്റ്റിസ് കെന്ററിസും കാതറിന തനുവും ഉത്തേജക വിവാദത്തില്‍പ്പെട്ട് ഒളിംപിക്സിന് മുന്‍പേ മല്‍സരങ്ങളില്‍ നിന്നു പിന്‍മാറുന്നതായി പ്രഖ്യാപിക്കേണ്ടി വന്നു. ഒളിംപിക്സ് നീന്തലില്‍ ഏറ്റവും കൂടുതല്‍ മെഡല്‍ നേടിയ താരമെന്ന നേട്ടം അമേരിക്കയുടെ ജെനി തോംപ്സണ്‍ സ്വന്തമാക്കി. ആതന്‍സില്‍ 4-100 മീറ്റര്‍ റിലേയില്‍ ജെനി നേടിയത് 12-ാം ഒളിംപിക് മെഡലായിരുന്നു. പുരുഷവിഭാഗം 110 മീറ്റര്‍ ഹര്‍ഡില്‍സില്‍ ചൈനയുടെ സിയാവോ ലിങ്, വനിതാ വിഭാഗം പോള്‍വോള്‍ട്ടില്‍ റഷ്യന്‍ താരം തത്യാന ഇസന്‍ബയേവ എന്നിവര്‍ മാത്രമാണ് ലോകറെക്കോര്‍ഡ് കുറിച്ചത്.
- 2008
- ബീജിങ്
മൈക്കല്‍ ഫെല്‍പ്സും ഉസൈന്‍ബോള്‍ട്ടും പിന്നെ കുറേ താരങ്ങളും. ഒറ്റനോട്ടത്തില്‍ ബെയ്ജിങ് ഒളിംപിക്സിന്റെ ബാക്കിപത്രം ഇതാണ്. മെഡല്‍പ്പട്ടികയില്‍ നൂറിന്റെ തിളക്കത്തില്‍ നില്‍ക്കുന്ന ചൈനയ്ക്ക് 51 സ്വര്‍ണവും 21 വെള്ളിയും 28 വെങ്കലവുമാണുള്ളത്. 36 സ്വര്‍ണവും 38 വെള്ളിയും 36 വെങ്കലവും നേടിയ യുഎസ് 11 മെഡലുമായി ആകെ മെഡലിന്റെ എണ്ണത്തില്‍ മുന്‍പിലാണെങ്കിലും ചൈനയുടെ കുതിച്ചോട്ടത്തിനു മുന്‍പില്‍ തകര്‍ന്നുപോയി. അമേരിക്കയും സോവിയറ്റ് യൂണിയനുമല്ലാതെ മറ്റൊരു രാജ്യം 50 സ്വര്‍ണമെഡല്‍ ഒളിംപിക്സില്‍നിന്നു വാരുന്നതും ആദ്യമായിരുന്നു.
ഏഴു ലോക റെക്കോര്‍ഡുകളുടെ അകമ്പടിയോടെ എട്ടു സ്വര്‍ണം നേടിയ മൈക്കല്‍ ഫെല്‍പ്സ് ഒളിംപിക്സിന്റെ ചരിത്രത്തിലെ എക്കാലത്തെയും ഇതിഹാസ താരമാകുന്നതു ലോകം അദ്ഭുതത്തോടെ നോക്കിക്കണ്ടു. മൂന്നു ലോക റെക്കോര്‍ഡുകളോടെ ഉസൈന്‍ ബോള്‍ട്ട് വേഗത്തിന്റെ സിംഹാസനത്തില്‍ അജയ്യനാകുന്നതും ബെയ്ജിങ് നല്‍കിയ വിസ്മയക്കാഴ്ചകളിലൊന്നായിരുന്നു. ഇന്ത്യയ്ക്കും ബെയ്ജിങ് ഒളിംപിക്സ് മറക്കാനാവാത്തതാണ്. ഉദ്ഘാടനച്ചടങ്ങിലെ വേഷം കെട്ടലിന്റെയും മോണിക്കാ ദേവിയുടെ മരുന്നടി വിവാദത്തിന്റെയും നാണക്കേടില്‍നിന്നു ചരിത്രത്തിലാദ്യമായി മൂന്നു മെഡലുകള്‍ നേടി ഇന്ത്യയും തിളങ്ങിനില്‍ക്കുന്നുണ്ട്. അഭിനവ് ബിന്ദ്രയുടെ സ്വര്‍ണവും സുശീല്‍കുമാറിന്റെയും വിജേന്ദറിന്റെയും വെങ്കലവും നൂറുകോടി ജനങ്ങളുടെ അഭിമാനം കാത്തതു ചെറിയകാര്യമല്ല.
ബിസി 776-ല്‍ തുടങ്ങുന്നു ഒളിംപിക്സിന്റെ ചരിത്രം
'ഒളിംപിക്സ്' എന്ന മഹത്തായ ആശയം ലോകത്തിന് സംഭാവന ചെയ്തത് പ്രാചീന ഗ്രീസ് ആയിരുന്നു. ഒളിംപിക്സിന്‍െറ ഉത്ഭവവുമായി ബന്ധപ്പെട്ട് പല കഥകളും ഉപകഥകളും പ്രചാരത്തിലുണ്ട്. ബിസി 1253-ല്‍ ഗ്രീസിന്‍െറ ശക്തിദേവനായ ഹെര്‍ക്കുലീസ് തുടക്കം കുറിച്ചതാണ് ഒളിംപിക്സ് എന്ന് ഒരു കൂട്ടര്‍ വിശ്വസിക്കുന്നു. എന്നാല്‍ ബിസി 776ലാണ് പ്രാചീന ഒളിംപിക്സിന് തുടക്കമിട്ടത് എന്നതാണ് പൊതുവേ അംഗീകരിക്കപ്പെട്ടിട്ടുളളത്. ഒളിംപിക്സ് എന്ന പദം 'ഒളിംപിയ' എന്ന വാക്കില്‍ നിന്ന് പുനര്‍ജനിച്ചതാണ്. 'ഒളിംപിക്സ്' എന്ന ഗ്രീക്ക് പദത്തിനര്‍ഥം ദേവന്റെ നിവാസ സ്ഥാനമെന്നും. 'ഒളിംപസ്' എന്നതില്‍ നിന്നുരുത്തിരിഞ്ഞതാണ് 'ഒളിംപിയ' എന്ന വാക്ക്. പൌരാണിക ഗ്രീസില്‍ നാല് കായാക മാമാങ്കങ്ങളാണ് നടന്നിരുന്നത്. കൊരിന്തില്‍ പൊസിദോണ്‍ ദേവനെ പ്രീതിപ്പെടുത്താന്‍ രണ്ടു വര്‍ഷത്തിലൊരിക്കല്‍ നടത്തി വന്ന ഇസ്ത്മിയന്‍ ഗെയിംസ്, ദേവന്മാരുടെ രാജാവായ സിയൂസ് ദേവനെ പ്രതിപ്പെടുത്താന്‍ നിമിയയില്‍ നടത്തി വന്ന നിമിയന്‍ ഗെയിംസ്, അപ്പോളോ ദേവന്റെ ബഹുമാനാര്‍ഥം ഡല്‍ഫിയില്‍ നാലു വര്‍ഷത്തിലൊരിക്കല്‍ അരങ്ങേറിയ പൈതിയന്‍ ഗെയിംസ്, സിയൂസ് ദേവന്റെ പ്രീതിക്കായി ഒളിംപിയയില്‍ നാലു വര്‍ഷത്തിലൊരിക്കല്‍ നടന്നു വന്ന ഒളിംപിക്സ് എന്നിവ. ഇവയില്‍ ഏറ്റവും പ്രാധാന്യം ഒളിംപിക്സിനായിരുന്നു.
ഒളിംപിക്സിന്റെ ജനനം സംബന്ധിച്ച് ഏറ്റവും പ്രചാരമുളള കഥ ഇതാണ്: ബിസി 1253ല്‍ പുരാതന ഗ്രീസിലെ എലിസ് പ്രദേശത്തെ ഈജിയസ് രാജാവും വീരപുരുഷനും ശക്തിയുടെ പ്രതീകവുമായ ഹെര്‍ക്കുലീസിലും തമ്മില്‍ നടന്ന യുദ്ധത്തില്‍ ഈജിയസിനെ വധിച്ച് ഹെര്‍ക്കുലീസ് തന്‍െറ മകനെ രാജാവാക്കി. ഹെര്‍ക്കുലീസ് ഈ വിജയത്തിന്‍െറ സ്മരണയ്ക്കായി ഒരു സ്റ്റേഡിയം സ്ഥാപിച്ചു. അവിടെ വര്‍ഷംതോറും കായിക മത്സരങ്ങള്‍ നടത്താനും തീരുമാനിച്ചു. സ്റ്റേഡിയത്തിന് 'ഒളിംപിയ' എന്നു പേരിട്ടു. അവിടെ നടത്തപ്പെട്ട കായികവിനോദങ്ങളില്‍ നിന്ന് 'ഒളിംപിക്സ്' ജന്മമെടുത്തു. വ്യത്യസ്ത സംസ്കാരങ്ങള്‍ നിറഞ്ഞ പുരാതന ഗ്രീസിനെ ഐക്യപ്പെടുത്തുന്നതില്‍ ഒളിംപിക്സിന് വലിയ പങ്കുണ്ടായിരുന്നു. പുരാതന ഒളിംപിക്സില്‍ വളരെ കുറച്ചു കായിക ഇനങ്ങളെ നടന്നിരുന്നുള്ളു. ഗ്രീക്ക് സംസാരിക്കാന്‍ അറിയാവുന്നവരെ മാത്രമേ പങ്കെടുപ്പിച്ചിരുന്നുള്ളു. ഗ്രീക്ക് ദേവന്മാരുടെ രാജാവായ സിയൂസിന്‍െറ ഉത്സവുമായി ബന്ധപ്പെട്ടാണ് ഒളിംപിക്സ് സംഘടിപ്പിച്ചിരുന്നത്. അക്കാലത്ത് ഒളിംപിക്സ് തീര്‍ത്തും ഒരു മതാഘോഷമായിരുന്നു എന്നു പറയാം. പുരുഷന്മാര്‍ മാത്രമേ പങ്കെടുത്തിരുന്നുള്ളു.
ആധുനിക ഒളിംപിക്സിന്റെ തുടക്കം
ഫ്രഞ്ചുകാരനായ ബാരണ്‍ പിയറി ഡി കുബര്‍ട്ടിന്‍ (1863-1937) എന്ന മനുഷ്യസ്നേഹിയെ പുരാതന ഒളിംപിക്സ് ചരിത്രം ആവേശം കൊള്ളിച്ചു. ഗ്രീക്കുകാരുടെ പുരാതന കായിക സംസ്കാരം പുതിയൊരു ആഗോളസംസ്കാരത്തിലേക്ക് ലോകത്തെ നയിക്കുമെന്ന് അദ്ദേഹം വിശ്വസിച്ചു. പരസ്പരം പോരടിച്ചുനിന്ന രാജ്യങ്ങളെ, വിശേഷിച്ച് യൂറോപ്യന്‍ രാഷ്ട്രങ്ങളെ ഒരു ലോകകായിക മേള ഒന്നിപ്പിച്ചേക്കുമെന്ന് അദ്ദേഹത്തിന്റെ മനസ് മന്ത്രിച്ചു. പുത്തന്‍ ഒളിംപിക്സ് എന്ന ആശയം അദ്ദേഹത്തിന്റെ മനസില്‍ ഉദിച്ചു. 'ഒളിംപിക്സിന്‍െറ പുനരുദ്ധാരണം' എന്ന കുബര്‍ട്ടിന്‍െറ ആശയം 1892 നവംബര്‍ 25-ന് ഫ്രാന്‍സിലെ സോര്‍ബോണില്‍ നടന്ന ഒരു സമ്മേളനത്തില്‍ അദ്ദേഹം മുന്നോട്ടുവച്ചു. എന്നാല്‍ മറ്റു പ്രതിനിധികള്‍ കുബര്‍ട്ടിന്‍െറ ആശയത്തോട് യോജിച്ചില്ല. കുബര്‍ട്ടിന്‍ പിന്മാറിയില്ല. 1894 ജൂണ്‍ 16 മുതല്‍ 23 വരെ പാരിസില്‍ നടന്ന അമച്വര്‍ സ്പോര്‍ട്സിനെപ്പറ്റിയുള്ള ഒരു രാജ്യാന്തരസമ്മേളനം തന്‍െറ ആശങ്ക പ്രചരിപ്പിക്കുന്നതിനുള്ള വേദിയാക്കി മാറ്റി. ജൂണ്‍ 23-ന് ഒളിംപിക്സ് എന്ന മഹത്തായ ആശയത്തിന്‍െറ ആവശ്യകത പ്രതിനിധികളുടെ മുന്നില്‍വച്ചു. കുബര്‍ട്ടിന്‍െറ ആശയങ്ങള്‍ അംഗീകരിക്കപ്പെട്ടു. അവിടെവച്ചുതന്നെ രാജ്യാന്തര ഒളിംപിക് കമ്മിറ്റി രൂപീകരിച്ചു. ഗ്രീസില്‍ നിന്നുള്ള ഡിമിത്രിസ് വികേലസ് ഐഒസി യുടെ പ്രഥമ പ്രസിഡന്റായി, കുബര്‍ട്ടിന്‍ സെക്രട്ടറി ജനറലും.
ആധുനിക ഒളിംപിക്സ് പുരാതന ഒളിംപിക്സിന്‍െറ ജന്മഭൂമിയായ ഒളിംപിയയില്‍ നിന്നു തുടങ്ങട്ടെയെന്ന് ഐഒസി പ്രതിനിധികള്‍ നിര്‍ബന്ധം പിടിച്ചു. എന്നാല്‍ രാജ്യാന്തരമത്സരം നടത്താനുള്ള സൌകര്യമൊന്നും അന്ന് ഒളിംപിയയില്‍ ഇല്ലായിരുന്നു. മാത്രമല്ല, ഒളിംപിയയില്‍ എത്തിച്ചേരാനും ബുദ്ധിമുട്ടായിരുന്നു. അങ്ങനെ ഗ്രീസില്‍ത്തന്നെയുള്ള ആതന്സ് നഗരത്തില്‍വച്ച് ആധുനിക ഒളിംപിക്സിന്റെ ആദ്യമേള നടത്താന്‍ തീരുമാനമായി. 1896 ഏപ്രില്‍ 6. ഉച്ചകഴിഞ്ഞ് 3 മണി. ചരിത്രമുറങ്ങുന്ന ആതന്സ് നഗരം. തുര്‍ക്കിയുടെ ആധിപത്യത്തില്‍ നിന്ന് ഗ്രീസ് സ്വാതന്ത്യ്രം നേടിയതിന്‍െറ 75-ാം വാര്‍ഷികവും അന്നായിരുന്നു. ഹെറോദിസ് ബിസി 320-ല്‍ നിര്‍മിച്ച ആതന്‍സിലെ പിനാഥെനിക് സ്റ്റേഡിയത്തില്‍ നിറഞ്ഞുനിന്ന ജനസമൂഹത്തെ സാക്ഷിനിര്‍ത്തി ഹെല്ലനയിലെ ജോര്‍ജ് രാജാവ് ഒന്നാമത്തെ രാജ്യാന്തര ഒളിംപിക് മത്സരങ്ങള്‍ ആരംഭിക്കുന്നതായി പ്രഖ്യാപിച്ചു.
Saturday, 28 July 2012
ഒളിംപിക്സ് ഒറ്റനോട്ടത്തില്‍
 |
| ഇന്ത്യന്‍ പ്രതീക്ഷകളുമായി: സ്റ്റേഡിയത്തിലേക്ക് ഇന്ത്യന്‍ സംഘം എത്തിയപ്പോള്‍. |
വിശ്വകായികമേള എന്നതിലപ്പുറം മഹത്തായ ഒരു സംസ്കാരം കൂടിയാണ് ഒളിംപിക്സ്. സ്പോര്‍ട്സിലൂടെ സമാധാനം എന്ന ശ്രേഷ്ഠമായ സന്ദേശവും മാതൃകയുമാണ് ഒളിംപിക്സ് നല്‍കുന്നത്. വിജയിക്കുക എന്നതിലുപരി പങ്കെടുക്കുക എന്നതാണ് ഒളിംപിക്സിന്റെ അടിസ്ഥാനതത്വം. ഒാരോ ഒളിംപിക്സ് മേളയും ലോകരാഷ്ട്രങ്ങള്‍ തമ്മിലുള്ള ഐക്യവും സാഹോദര്യവും ഉൌട്ടിയുറപ്പിച്ചാണ് അവസാനിക്കുക. 'ശാശ്വതമായ ലോകസമാധാനം' എന്ന ലക്ഷ്യത്തിനായി രാജ്യാന്തര ഒളിംപിക് സംഘടനയും പ്രവര്‍ത്തിക്കുന്നു.
ആദ്യമേളയില്‍ ഒാട്ടം മാത്രം
രേഖപ്പെടുത്തപ്പെട്ട ആദ്യ ഒളിംപിക്സ് നടന്നത് 776 ബിസിയിലാണ് എന്നാണ് പൊതുവേ അംഗീകരിക്കപ്പെടുന്നത്. ആദ്യ മേളയില്‍ ഒരൊറ്റ ഇനം മാത്രമേ നടന്നിരുന്നുളളൂ സ്റ്റാഡിയോണ്‍ എന്ന 192 മീറ്റര്‍ (210 വാര) ഓട്ടമല്‍സരം. ഈയിനത്തില്‍ മല്‍സരിച്ച കൊറോയിബസ് ആണ് ആദ്യ ഒളിംപിക് ജേതാവ് എന്ന് വിശ്വസിക്കപ്പെടുന്നു.
പ്രാചീന ഒളിംപിക്സ്
- തുടക്കം കുറിച്ചത് ബിസി 1253ല്‍ ഗ്രീസിന്‍െറ ശക്തിദേവനായ ഹെര്‍ക്കുലീസ് ആണെന്നാണു പൊതുവേയുള്ള വിശ്വാസം.
- രേഖപ്പെടുത്തപ്പെട്ട ആദ്യ മേള: 776 ബിസി (ഗ്രീസിലെ ഒളിംപിയയില്‍)
- ആദ്യത്തെ മല്‍സര ഇനം: സ്റ്റാഡിയോണ്‍ (192 മീറ്റര്‍ /210 വാര ഓട്ടമല്‍സരം)
- ആദ്യ ജേതാവ്: കൊറോയിബസ് (സ്റ്റാഡിയോണ്‍)
- അവസാനമായി നടന്നത് : എഡി 393ല്‍
- പുരാതന ഒളിംപിക്സ് നിരോധിച്ച റോമന്‍ രാജാവ്: തിയോഡോസിയൂസ് ഒന്നാമന്‍
ആധുനിക ഒളിംപിക്സ്
- ആധുനിക ഒളിംപിക്സിന്റെ പിതാവ് : ബാരന്‍ പിയറി ഡി കുബര്‍ട്ടിന്‍
- ഐഒസിയുടെ ആസ്ഥാനം: ലൊസെയ്ന്‍ (സ്വിറ്റ്സര്‍ലന്‍ഡ്)
- ഐഒസി രൂപീകരിച്ച വര്‍ഷം: 1894
- മുദ്രാവാക്യം : 'സിറ്റിയസ്, ആള്‍ട്ടിയസ്, ഫോര്‍ട്ടിയസ്' (കൂടുതല്‍ വേഗത്തില്‍, കൂടുതല്‍ ഉയരത്തില്‍, കൂടുതല്‍ ശക്തിയില്‍)
- ഈ മുദ്രാവാക്യം തയാറാക്കിയത് : ഫാ. ഹെന്റി മാര്‍ട്ടിന്‍ ഡിഡിയോണ്‍
- ഔദ്യോഗിക ചിഹ്നം : ഓരോ ഭൂഖണ്ഡങ്ങളെ പ്രതിനിധാനം ചെയ്യുന്ന, പരസ്പരം ബന്ധപ്പെട്ടു കിടക്കുന്ന അഞ്ചു വളയങ്ങള്‍ (നീല, പച്ച, ചുവപ്പ്, കറുപ്പ്, മഞ്ഞ എന്നിവയാണ് വളയങ്ങളുടെ നിറം)
- പതാക രൂപകല്‍പന ചെയ്തത്: പിയറി ഡി കുബര്‍ട്ടിന്‍.
- എല്ലാ മേളകളിലും പങ്കെടുത്ത രാജ്യങ്ങള്‍: ഒാസ്ട്രേലിയ, ബ്രിട്ടന്‍, ഫ്രാന്‍സ്, സ്വിറ്റ്സര്‍ലാന്‍ഡ്, ഗ്രീസ്
- ആദ്യ ഔദ്യോഗിക ഭാഗ്യമുദ്ര : വാള്‍ഡി (മ്യൂണിക്ക്, 1972)
- ഒളിംപിക്സ് മ്യൂസിയം സ്ഥിതി ചെയ്യുന്നത്: ലൊസെയ്ന്‍ (സ്വിറ്റ്സര്‍ലന്‍ഡ്)\
- ആധുനിക ഒളിംപിക്സിന്റെ പ്രഥമ മേള നടന്നത് : ആതന്‍സില്‍(1896)
- മെഡല്‍ രൂപകല്‍പന ചെയ്തത് : പ്രഫ. ഗിസപ്പ് കാസ്പിലിനി (ഇറ്റലി)
- ആതിഥേയത്വം വഹിച്ച ആദ്യ ഏഷ്യന്‍ നഗരം: ടോക്കിയോ (1964)
- വനിതകള്‍ പങ്കെടുത്ത ആദ്യ ഒളിംപിക്സ് : പാരിസ് (1900)
- ഒളിംപിക്സ് ഗാനം രചിച്ചത്: കോസ്റ്റാസ പാലാമസ്സ്
- സംഗീതം നല്‍കിയത് : സ്പൈറോസ് സാമാരാസ്
ഒളിംപിക്സ് നേട്ടങ്ങള്‍
- ആധുനിക ഒളിംപിക്സിലെ ആദ്യ വിജയി: ജെയിംസ് ബ്രന്‍ഡന്‍ കോണോളി (അമേരിക്ക, ട്രിപ്പിള്‍ ജംപ്)
- സ്വര്‍ണം നേടിയ ആദ്യ വനിത : ഷാര്‍ലെറ്റ് കൂപ്പര്‍ (ടെന്നിസ്, 1900, പാരിസ്)
- അത്ലറ്റിക്സില്‍ സ്വര്‍ണം നേടിയ ആദ്യ ഏഷ്യന്‍താരം : മിക്കിയോ ഒഡാ, ജപ്പാന്‍, ട്രിപ്പിള്‍ ജംപ് (1928)
- സ്വര്‍ണം നേടുന്ന കറുത്ത വര്‍ഗക്കാരനായ ആദ്യ ആഫ്രിക്കക്കാരന്‍: അബീബെ ബിക്കില (മാരത്തണ്‍ 1960)
- ജിംനാസ്റ്റിക്സിലെ പെര്‍ഫെക്ട്10 ഏഴു പ്രാവശ്യം സ്വന്തമാക്കിയ താരം : നാദിയ കൊമനേച്ചി.
- ഉത്തേജകമരുന്ന് ഉപയോഗിച്ചതിന് അയോഗ്യത കല്‍പ്പിക്കപ്പെട്ട ആദ്യ അത്ലറ്റ് : മര്‍ട്ടി വയനിയോ (1984ലെ ലോസ് ഏഞ്ചല്‍സ് ഒളിംപിക്സ്)
- നൊബേല്‍ സമ്മാനവും ഒളിംപിക് മെഡലും നേടിയ വ്യക്തി: ഫിലിപ്പ് നോയല്‍ ബേക്കര്‍.
- ഏറ്റവും കൂടുതല്‍ കാലം ഐഒസിയുടെ പ്രസിഡന്റായി പ്രവര്‍ത്തിച്ചത്: പിയറി ഡി കുബേര്‍ട്ടിന്‍ (1896-1925)
- ഒളിംപിക്സില്‍ പങ്കെടുത്ത ഏറ്റവും പ്രായമുള്ള വ്യക്തി : ഓസ്കര്‍ സ്വാന്‍ (സ്വീഡന്‍, 72 വയസും 10 മാസവും)
Friday, 27 July 2012
വണ്ടര്‍ലാന്‍റ്
എട്ടിന്‍െറ മാന്ത്രികതയില്‍ ലോകത്തെ വിസ്മയിപ്പിച്ച ചൈനയുടെ കിളിക്കൂട്ടിലെ അദ്ഭുതക്കാഴ്ചകളില്‍നിന്ന് ലോകം ലണ്ടനിലെ തെംസ് നദീതീരത്തേക്ക് ഒഴുകിയെത്തിയിരിക്കുന്നു.
2008 ആഗസ്റ്റ് എട്ടിലെ രാത്രിയില്‍ 08:08.08നായിരുന്നു ലോകത്തിനു മുന്നില്‍ ചൈനയെന്ന പുതുശക്തിയുടെ പ്രഖ്യാപനമായ ഒളിമ്പിക്സ് അദ്ഭുതത്തിലേക്ക് കിളിക്കൂട് കണ്ണുതുറന്നത്.
നാലു വര്‍ഷത്തിനിപ്പുറം ലോകമെത്തിയപ്പോള്‍ 30 ാമത് ഒളിമ്പിക്സിന് അരങ്ങൊരുക്കാന്‍ ലണ്ടന് മഹാനഗരം അരയും തലയും മുറുക്കി ഒരുങ്ങിക്കഴിഞ്ഞു. ഭൂമിയിലെ മഹാമേളക്ക് ജൂലൈ 27ന് പ്രധാനവേദിയായ ലണ്ടനിലെ ഒളിമ്പിക് സ്റ്റേഡിയത്തില്‍ തിരിതെളിയുമ്പോള്‍ മാനവസംസ്കാരത്തിന്‍െറ മഹാസമ്മേളനമാവുമത്. 204 രാഷ്ട്രങ്ങളില്‍നിന്നായെത്തുന്ന 10,500 കായികതാരങ്ങള്‍ കരുത്തും മിടുക്കും പരീക്ഷിക്കാനായി 302 ഇനങ്ങളില്‍ ആഗസ്റ്റ് 12 വരെ ലണ്ടനിലെ വിവിധ വേദികളില്‍ പോരടിക്കും. കാണികളും വിവിധരാജ്യങ്ങളുടെ ഒഫീഷ്യലുകളുമായി ലക്ഷങ്ങളെയാണ് 17 ദിവസങ്ങളിലായി ഒളിമ്പിക് നഗരി കാത്തിരിക്കുന്നത്.
1894ല്‍ പിയര്‍ ഡി കുബര്‍ട്ടിന്‍ എന്ന ഫ്രഞ്ചുകാരന്‍ തുടക്കംകുറിച്ച ആധുനിക ഒളിമ്പിക്സ് നൂറ്റാണ്ടും കടന്ന ജൈത്രയാത്രക്കൊടുവിലാണ് ഇക്കുറി ലണ്ടനിലെത്തുന്നത്്. ഒളിമ്പിക്സ് ചരിത്രത്തിലെ 30ാം പതിപ്പിന് മഹാനഗരം ആതിഥ്യമൊരുക്കുമ്പോള്‍, സൂര്യനസ്തമിക്കാത്ത സാമ്രാജ്യത്തിന്‍െറ പഴയ തട്ടകത്തിലെത്തുന്ന മൂന്നാം ഒളിമ്പിക്സെന്ന പ്രത്യേകതയും ഇതിനുണ്ട്. നേരത്തേ, 1908ലും 1948ലുമായിരുന്നു ലണ്ടന് ഒളിമ്പിക്സിന് ആതിഥ്യമൊരുക്കിയത്. മൂന്നു തവണ മഹാമേളക്ക് ആതിഥ്യമൊരുക്കുന്ന ആദ്യ നഗരവും ലണ്ടന് തന്നെ.
ലോകപൊലീസായ അമേരിക്കയും പുതിയ ശക്തിയായ ചൈനയും മുതല്‍ ആഫ്രിക്കയിലെ പട്ടിണിരാഷ്ട്രം സോമാലിയയും വെടിയൊച്ചകള്‍ നിലക്കാത്ത ഫലസ്തീനും ചോരച്ചാലുകളൊഴുകിയ ലിബിയയും വരെ തോളോടുതോള്‍ ചേര്‍ന്ന് അസാധാരണ കായിക ആവേശത്തില്‍ മാറ്റുരക്കുന്നതാണ് ഒളിമ്പിക്സിന്‍െറ മഹത്തായ സന്ദേശം.
പുതിയ നൂറ്റാണ്ടിലെ പുതുശക്തിയായ ചൈനയുടെ വിളംബരമായിരുന്നു ബെയ്ജിങ് ഒളിമ്പിക്സിലൂടെ ലോകം കണ്ടതെങ്കില്‍, അതിനെയും വെല്ലുന്ന കാഴ്ചകളോടെ ലോകാദ്ഭുതമാക്കാനാണ് ലണ്ടന് ഒളിമ്പിക്സിന്‍െറ അണിയറ ശില്‍പികളുടെ ശ്രമം. ഒളിമ്പിക്സ് വേദിക്കായുള്ള മത്സരത്തില്‍ 2005ല്‍ പാരിസിനെയും മഡ്രിഡിനെയും ന്യൂയോര്‍ക് സിറ്റിയെയും മോസ്കോയെയും പിന്തള്ളി വേദി സ്വന്തമാക്കിയതിനു പിന്നാലെ ലണ്ടന് 2012 ഒളിമ്പിക്സിനായി തയാറെടുപ്പ് തുടങ്ങിയിരുന്നു. നഗരമുഖം മാറ്റിപ്പണിതും പുതിയ സ്റ്റേഡിയങ്ങളും മത്സര വേദിയും ഒരുക്കിയും ലോകചരിത്രത്തിലെ വിശേഷസ്ഥാനമുള്ള നാട് തയാറെടുത്തു. 930 കോടി പൗണ്ട് (80,000 കോടി രൂപ) ആണ് ലണ്ടന് ഒളിമ്പിക്സിനായി ചെലവ് കണക്കാക്കുന്നത്.
ആഗസ്റ്റ് 29 മുതല്‍ സെപ്റ്റംബര്‍ ഒമ്പതുവരെ നടക്കുന്ന പാരാലിമ്പിക്സിന്‍െറ വേദിയും ലണ്ടനാണ്.
പാടാം ഈ ഗാനം
ഒളിമ്പിക്സിന് കൊടി ഉയരുമ്പോഴും താഴുമ്പോഴും മുഴങ്ങുന്ന ഒരു ഗാനമുണ്ട്; ഗ്രീക് ദേശീയകവിയായിരുന്ന കോസ്റ്റിസ് പലാമസ് രചിച്ച് സ്പൈറോസ് സമരസീന്‍ ചിട്ടപ്പെടുത്തിയ ഒളിമ്പിക് ഗാനം. 1960ല്‍ റോമില്‍തന്നെ നടന്ന ഒളിമ്പിക്സ് മുതലാണ് ഈ ഗാനം ഒളിമ്പിക്സിന്‍െറ ഔദ്യാഗിക ഗാനമായി അംഗീകരിക്കുന്നത്. 1958ല്‍ ചേര്‍ന്ന ഇന്‍റര്‍നാഷനല്‍ ഒളിമ്പിക് കമ്മിറ്റി യോഗം ഇതിനനുകൂലമായ തീരുമാനമെടുക്കുകയായിരുന്നു. അതുവരെ ഒളിമ്പിക്സിന്‍െറ ഭാഗമായി വിവിധ സംഗീതപരിപാടികളാണ് നടന്നിരുന്നത്. രണ്ടു തവണ നൊബേല്‍ സമ്മാനത്തിന് പേരു നിര്‍ദേശിക്കപ്പെട്ട കവികൂടിയാണ് കോസ്റ്റിസ് പലാമസ്. ഗ്രീക് ഭാഷയിലെഴുതിയ ഈ ഒളിമ്പിക് ഗാനത്തിന്‍െറ ഇംഗ്ളീഷ് പരിഭാഷ താഴെ ചേര്‍ക്കുന്നു.
Immortal spirit of antiquity,
Father of the true, beautiful and good,
Descend, appear, shed over us thy light
Upon this ground and under this sky
Which has first witnessed thy unperishable fame.
Give life and animation to those noble games!
Throw wreaths of fadeless flowers to the victors
In the race and in strife!
Create in our breasts, hearts of steel!
In thy light, plains, mountains and seas
Shine in a roseate hue and form a vast temple
To which all nations throng to adore thee,
Oh immortal spirit of antiquity!
ഒളിമ്പിക് ദീപശിഖ
കഴിഞ്ഞ മേയ് 19ന് ഗ്രീസിലെ ഒളിമ്പിയയില്‍നിന്ന് പ്രയാണമാരംഭിച്ച ദീപശിഖ ബ്രിട്ടനില്‍ ഉടനീളം സഞ്ചരിച്ച് 8000 കിലോമീറ്റര്‍ പിന്നിട്ട് ജൂലൈ 27ന് ഒളിമ്പിക് സ്റ്റേഡിയത്തിലെത്തും. ഉദ്ഘാടനവേദിയിലെ വിളക്കില്‍ ദീപശിഖ ആരു തെളിയിക്കുമെന്നത് അവസാന നിമിഷംവരെ അതീവ രഹസ്യമായിരിക്കും.
ഒളിമ്പിക്സിന് മുന്നോടിയായി വിവിധ ഭൂഖണ്ഡങ്ങളെ സ്പര്‍ശിച്ച് ദീപശിഖാ പ്രയാണം നടക്കാറുണ്ട്. മനുഷ്യനുവേണ്ടി സിയൂസ് ദേവനില്‍നിന്ന് അഗ്നി മോഷ്ടിച്ച് നല്‍കിയ പ്രൊമിത്യൂസിന്‍െറ കഥയുമായി ബന്ധപ്പെട്ട് പുരാതന ഒളിമ്പിക്സില് ഇത്തരം ദീപശിഖാ പ്രയാണം നടന്നിരുന്നു. 1928 ലെ ആംസ്റ്റര്‍ഡാം ഒളിമ്പിക്സ് മുതല്‍ ഈ രീതി വീണ്ടും തുടങ്ങി.
തുടക്കം-ഒടുക്കം
ആതിഥേയ രാജ്യത്തിന്‍െറ പ്രൗഢിമുഴുവന്‍ വിളിച്ചോതാന്‍ മത്സരിക്കുന്നതാണ് ഒളിമ്പിക്സ് സംഘാടകര്‍ക്ക് ഉദ്ഘാടന-സമാപന ചടങ്ങുകള്‍. ഹോളിവുഡ് സംവിധായകനും ‘സ്ലംഡോഗ് മില്യനര്‍’ എന്ന ചിത്രത്തിലൂടെ ഇന്ത്യക്കാര്‍ക്ക് സുപരിചിതനുമായ ഡാനി ബോയലാണ് ചടങ്ങിന്‍െറ സംവിധായകന്‍. ഇംഗ്ളണ്ടിന്‍െറ പാരമ്പര്യം വിളിച്ചോതുന്നതാവും ജൂലൈ 27ലെ ഉദ്ഘാടന ചടങ്ങ്. ആഗസ്റ്റ് 12നാണ് സമാപനം.
വേദി
ലണ്ടന് നഗരത്തിലെ ഒളിമ്പിക് സ്റ്റേഡിയം. ഉദ്ഘാടന-സമാപന ചടങ്ങുകളുടെ വേദിയാവുന്നതിനൊപ്പം അത്ലറ്റിക് മത്സരങ്ങളുടെ കളിമുറ്റവും ഇതാണ്. ബ്രിട്ടനിലെ ഏറ്റവും വലിയ മൂന്നാമത്തെ സ്റ്റേഡിയമായ ഇവിടെ 80,000 പേര്‍ക്കാണ് ഇരിപ്പിട സൗകര്യം. ഒളിമ്പിക്സിനു പുറമെ 2017 ലോക അത്ലറ്റിക് ചാമ്പ്യന്‍ഷിപ് വേദിയായും സ്റ്റേഡിയത്തെ തെരഞ്ഞെടുത്തു. മൂന്ന് മേഖലകളായാണ് ഒളിമ്പിക്സിന്‍െറ വേദികള്‍ നിശ്ചയിച്ചിരിക്കുന്നത്. സ്റ്റേഡിയം അടക്കമുള്ള ഒളിമ്പിക് സോണില്‍ അക്വാറ്റിക് സെന്‍റര്‍, ബാസ്കറ്റ്ബാള്‍ അറീന തുടങ്ങിയവ ഉള്‍പ്പെടും. ഷൂട്ടിങ്, ബോക്സിങ്, ഇക്വസ്റ്റേറിയന്‍ ഇനങ്ങള്‍ നടക്കുന്ന റിവര്‍ സോണ്‍ വേദികള്‍ ഏറെയും തൈംസ് നദിക്കരയിലാണ്.
ടെന്നിസ്, വോളി, ഫുട്ബാള്‍ തുടങ്ങിയ മത്സരങ്ങളുടെ വേദികള്‍ അടങ്ങിയ സെന്‍ട്രല്‍ സോണ്‍ സെന്‍ട്രല്‍-വെസ്റ്റ് ലണ്ടന് നഗരങ്ങളില്‍ വ്യാപിച്ചുകിടക്കുന്നു.
ഒരുമയുടെ അഞ്ചു വളയങ്ങള്‍
ഒളിമ്പിക് പതാകയുടെ ചിത്രം കൂട്ടുകാര്‍ ശ്രദ്ധിച്ചിട്ടില്ലേ? തൂവെള്ള പതാകയില്‍ നീലയും മഞ്ഞയും കറുപ്പും പച്ചയും ചുവപ്പും നിറത്തിലുള്ള അഞ്ചു വളയങ്ങള്‍ തോളോടുതോള്‍ ചേര്‍ന്നുനില്‍ക്കുന്നത് കാണാം. ഒളിമ്പിക് സംഘടനയില്‍ അംഗമായ അഞ്ചു ഭൂഖണ്ഡങ്ങളെയാണ് ഈ വളയങ്ങള്‍ പ്രതിനിധാനം ചെയ്യുന്നത്.
ആധുനിക ഒളിമ്പിക്സിന്‍െറ പിതാവ് എന്നറിയപ്പെടുന്ന പിയറി ഡി ക്യൂബര്‍ട്ടിന്‍ 1913ലാണ് ഈ പതാക രൂപകല്‍പന ചെയ്തത്. പക്ഷേ, ഈ പതാക ഒളിമ്പിക് വേദിയില്‍ പാറാന്‍ ഏഴുവര്‍ഷം കാത്തിരിക്കേണ്ടിവന്നു. ബര്‍ലിനില്‍ 1916ല്‍ നടക്കേണ്ടിയിരുന്ന ഒളിമ്പിക്സ് ഒന്നാം ലോകമഹായുദ്ധംമൂലം മാറ്റിവെച്ചതായിരുന്നു കാരണം. ബെല്‍ജിയത്തിലെ ആന്‍റ്വെര്‍പില്‍ 1920ല്‍ നടന്ന ഒളിമ്പിക്സിലാണ് ഈ പതാക ആദ്യമായി ഉയര്‍ന്നത്. ലോകരാജ്യങ്ങള്‍ തമ്മിലുള്ള സൗഹാര്‍ദപരവും ആരോഗ്യകരവുമായ കായികപോരാട്ടത്തിന്‍െറ അടയാളമായാണ് ഈ ചിഹ്നം പരിഗണിക്കപ്പെടുന്നത്.
ആരവം വന്ന വഴി
പഴയ ഒളിമ്പിക്സ്ലോകത്തിന്െറ മുഴുവന്‍ കണ്ണും കരളും ഉറ്റുനോക്കുന്ന ഈ മഹാമാമാങ്കം പിറന്നത് വിചിത്രമായിട്ടാണ്. ഗ്രീക് പുരാണപ്രകാരം ഹെര്‍ക്കുലീസ് തന്‍െറ പിതാവായ സിയൂസ് ദേവന്‍െറ ബഹുമാനാര്‍ഥമാണ് ഒളിമ്പിക്സ് മത്സരങ്ങളാരംഭിച്ചതെന്നാണ് കണക്കാക്കപ്പെടുന്നത്. ബി.സി 1370 മുതലേ ഒളിമ്പിയ താഴ്വരയുടെ കുലദേവതയായ ‘റിയ’യുടെ ക്ഷേത്രത്തില്‍ ഭക്തര്‍ ഓട്ടമത്സരങ്ങള്‍ നടത്തിയിരുന്നതായാണ് ചരിത്രരേഖകള്‍ പറയുന്നത്. ബി.സി 776 മുതലാണ് ഇത് ഒരു സ്ഥിരം മത്സരത്തിന്‍െറ ചട്ടക്കൂടിലേക്ക് വന്നത്. ഗ്രീക് ചരിത്രകാരനായ അപ്പോളോണിയസിന്‍െറ കണ്ടെത്തലനുസരിച്ച് ആല്‍ത്തേ നദിയുടെ തീരത്താണ് നാലു വര്‍ഷത്തെ ഇടവേളയില്‍ ‘ഒളിമ്പിയാസ്’ എന്ന പേരില്‍ മത്സരങ്ങള്‍ നടന്നുവന്നിരുന്നത്.
ആദ്യകാലം
‘സ്റ്റാഡിയന്‍’ എന്നറിയപ്പെട്ടിരുന്ന 186 മീറ്റര്‍ ഓട്ടം മാത്രമായിരുന്നു ആദ്യകാല ഒളിമ്പിക്സില് മത്സരയിനം. ബി.സി 728ല്‍ നടന്ന 13ാം ഒളിമ്പിക്സ് വരെ ഈ ഒരൊറ്റയിനം മാത്രമായിരുന്നു ഉണ്ടായിരുന്നത്. ഒരു ദിവസം മാത്രമായിരുന്നു ഇക്കാലത്ത് മത്സരങ്ങളുണ്ടായിരുന്നത്. 14ാം ഒളിമ്പിക്സ് മുതല്‍ അരമൈല്‍ ഓട്ടവും 15ാമത്തേത് മുതല്‍ രണ്ടരമൈല്‍ ഓട്ടവും 18ാമത്തേത് മുതല്‍ പെന്‍റാത്ലണും 23ാമത്തേത് മുതല്‍ ബോക്സിങ്ങും 25ാമത്തേത് മുതല്‍ ഇക്വിസ്റ്റേറിയന്‍ മത്സരങ്ങളും 33ാമത്തേത് മുതല്‍ ഷോട്ട്പുട്ടും ഡിസ്കസ്ത്രോയും മത്സരയിനങ്ങളില്‍ ഉള്‍പ്പെടുത്തി. ബി.സി 576 മുതലാകട്ടെ ഗ്രീസിന് പുറത്തുള്ള രാഷ്ട്രങ്ങളെയും മത്സരങ്ങളില്‍ പങ്കെടുപ്പിച്ചുതുടങ്ങി.
ഒലിവ് കിരീടങ്ങള്‍
ബലിരക്തത്തില്‍ കൈമുക്കി പ്രതിജ്ഞയെടുത്ത ആളുകളായിരുന്നു മത്സരങ്ങള്‍ നിയന്ത്രിച്ചിരുന്നത്. കായികതാരങ്ങളും പരിശീലകരും ബന്ധുക്കളുമെല്ലാം സിയൂസ് ദേവന്‍െറ പ്രതിമക്ക് മുന്നില്‍ പ്രത്യേക പ്രതിജ്ഞയെടുത്തശേഷമേ മത്സരങ്ങള്‍ക്കിറങ്ങിയിരുന്നുള്ളൂ. സ്ത്രീകള്‍ക്ക് മത്സരങ്ങളില്‍ പങ്കെടുക്കാന്‍ അവസരമുണ്ടായിരുന്നില്ല. മത്സരാര്‍ഥികള്‍ പലരും ഏതാണ്ട് നഗ്നരായാണ് പങ്കെടുത്തിരുന്നത്. മനുഷ്യശരീരത്തിന്‍െറ നേട്ടങ്ങളുടെ ആഘോഷം എന്ന സങ്കല്‍പമായിരുന്നു ഇതിനു പിന്നില്‍. വിജയികള്‍ക്ക് ഒലിവ് ചില്ലകള്‍കൊണ്ടുണ്ടാക്കിയ കിരീടങ്ങളായിരുന്നു നല്‍കിയിരുന്നത്. എ.ഡി 394ല്‍ ഭരണം പിടിച്ചെടുത്ത റോമന്‍ ചക്രവര്‍ത്തി തിയൊഡോഷ്യസ് ഗ്രീസിനെ ക്രിസ്ത്യന്‍ രാഷ്ട്രമായി പ്രഖ്യാപിക്കുകയും മതത്തിന് വിരുദ്ധമാണെന്നു പറഞ്ഞ് ഒളിമ്പിക്സ് മത്സരങ്ങള്‍ നിര്‍ത്തലാക്കുകയും ചെയ്തു. തിരശ്ശീല വീഴും മുമ്പ് 293 ഒളിമ്പിക്സ് മത്സരങ്ങള്‍ നടന്നതായാണ് ചരിത്രം.
ആധുനിക ഒളിമ്പിക്സ്
ഫ്രഞ്ച് പ്രഭുവായ പിയറി ഡി കുംബര്‍ട്ടിന്‍േറതായിരുന്നു ഒളിമ്പിക്സിന്‍െറ പുനരാവിഷ്കരണമെന്ന ആശയം. 19ാം നൂറ്റാണ്ടിന്‍െറ അവസാനസമയത്താണ് ജര്‍മന്‍ പുരാവസ്തു പര്യവേക്ഷകര്‍ പുരാതന ഒളിമ്പിയയുടെ അവശിഷ്ടങ്ങള്‍ കണ്ടെടുത്തത്. 1870-71 കാലഘട്ടത്തെ ഫ്രാന്‍കോ-പ്രഷ്യന്‍ യുദ്ധത്തിലെ ഫ്രഞ്ച് നിരയുടെ പരാജയത്തിന് കാരണമന്വേഷിച്ചുനടന്ന കുംബര്‍ട്ടിന്‍ മതിയായ കായികശേഷിയില്ലാത്തതാണ് ഫ്രഞ്ച് സേനയുടെ പരാജയത്തിന് കാരണമെന്ന നിഗമനത്തിലെത്തി. കായികശേഷി വര്‍ധിപ്പിക്കുന്നതിനൊപ്പം യുവാക്കളെ യുദ്ധത്തിലേക്കെടുത്തെറിയാതെ അവരുടെ ഹൃദയങ്ങളെ അടുപ്പിക്കാനുള്ള ഒരു വഴിയെന്ന നിലക്ക് ഒളിമ്പിക്സ് മത്സരങ്ങള്‍ പുനരാരംഭിക്കാന്‍ കുംബര്‍ട്ടിന്‍ തീരുമാനിക്കുകയായിരുന്നു.
സുഹൃത്ത് ഡോ. ബ്രൂക്സുമൊത്ത് കുംബര്‍ട്ടിന്‍ ഇന്‍റര്‍നാഷനല്‍ ഒളിമ്പിക്സ് കമ്മിറ്റി രൂപവത്കരിച്ചു. 1894 ജൂണ്‍ 16 മുതല്‍ 23 വരെ പാരിസിലെ സോര്‍ബോണ്‍ യൂനിവേഴ്സിറ്റിയില്‍ ആദ്യ ഐ.ഒ.സി കോണ്‍ഗ്രസില്‍ ആദ്യ ഒളിമ്പിക്സ് 1896ല്‍ ആതന്‍സില്‍ നടത്താന്‍ തീരുമാനിക്കുകയായിരുന്നു. ഇതിനായി ഗ്രീക് സ്വദേശിയായ ദിമിത്രി വികേലാസ് പ്രസിഡന്റായി സ്ഥിരം സ്വഭാവത്തില്‍ ഇന്‍റര്‍നാഷനല്‍ ഒളിമ്പിക്സ് കമ്മിറ്റി രൂപവത്കരിക്കുകയും ചെയ്തു.
ഉദ്ഘാടനവും സമാപനവും
കൂട്ടുകാര്‍ക്കറിയാമോ, ഒളിമ്പിക്സിന്‍െറ ഉദ്ഘാടനവും സമാപനവും ലോകത്തെ ഏറ്റവും മനോഹരമായി ചിട്ടപ്പെടുത്തിയ ചടങ്ങുകളാണ്. ഉദ്ഘാടന ചടങ്ങില്‍, മത്സരം നടക്കുന്ന രാജ്യത്തിന്‍െറ തലവനെ ഒളിമ്പിക്സ് സമിതിയുടെ അധ്യക്ഷന്‍ സ്വീകരിച്ച് പീഠത്തിലേക്ക് ആനയിക്കും. അപ്പോള്‍ ആ രാജ്യത്തിന്‍െറ ദേശീയഗാനം മുഴങ്ങും. തുടര്‍ന്ന് മത്സരത്തില്‍ പങ്കെടുക്കുന്ന താരങ്ങളുടെ പരേഡാണ്. ഏറ്റവും മുന്നില്‍ ഒളിമ്പിക്സിന് ജന്മം നല്‍കിയ ഗ്രീസിന്‍െറ താരങ്ങള്‍, ഏറ്റവും അവസാനം മത്സരം നടക്കുന്ന രാജ്യത്തിന്‍െറ താരങ്ങള്‍. ഇവര്‍ക്കിടയിലായി മറ്റു രാജ്യങ്ങള്‍ ഇംഗ്ളീഷ് അക്ഷരമാലക്രമത്തില്‍ അണിനിരക്കും.
ഓരോ രാജ്യത്തെയും താരങ്ങള്‍ അവരുടെ ജഴ്സിയണിഞ്ഞ് ദേശീയ പതാകക്ക് പിന്നാലെ ചുവടുവെച്ചുനീങ്ങുന്ന ചടങ്ങ് അതിസുന്ദരമാണ്. തുടര്‍ന്ന് താരങ്ങള്‍ ഗ്രൗണ്ടില്‍ അണിനിരക്കും.
രാഷ്ട്രത്തലവന്‍ മത്സരം ഉദ്ഘാടനം ചെയ്യും. വാദ്യമേളങ്ങളും വെടിക്കെട്ടും അകമ്പടിയായി ഉണ്ടാവും. സമാധാനസൂചകമായി പ്രാവുകളെ പറത്തും. ഉദ്ഘാടനസമയത്ത് ഒളിമ്പിക്സ് പതാക ഉയര്‍ത്തും. തുടര്‍ന്ന് വന്‍കരകള്‍ ചുറ്റിയെത്തിയ ഒളിമ്പിക്സ് ദീപശിഖ മൈതാനത്തെത്തിച്ച് വലിയൊരു ജ്വാലയില്‍ തെളിക്കും. ഈ ജ്വാല മത്സരങ്ങള്‍ അവസാനിക്കുംവരെ അണയാതെ നില്‍ക്കും.
തുടര്‍ന്ന് ഒളിമ്പിക്സ് ഗാനം ആലപിക്കും. മത്സരം നടക്കുന്ന രാജ്യത്തെ ഒരു താരം പീഠത്തില്‍ കയറിനിന്ന് എല്ലാ താരങ്ങളുടെയും പേരില്‍ സത്യപ്രതിജ്ഞ ചൊല്ലുകയാണ് അടുത്ത പടി. തികഞ്ഞ സ്നേഹത്തോടെയും പരസ്പര ബഹുമാനത്തോടെയും മത്സരങ്ങളില്‍ പങ്കെടുക്കുമെന്നതാണ് ഈ പ്രതിജ്ഞ. മത്സരം നടക്കുന്ന രാജ്യത്തിന്‍െറ ദേശീയഗാനത്തോടെയാണ് ഉദ്ഘാടന ചടങ്ങ് അവസാനിക്കുന്നത്.
സമാപനവും സമാനമായ ചടങ്ങാണ്. അടുത്ത ഒളിമ്പിക്സിനായുള്ള ആഹ്വാനം, ദീപശിഖ അണക്കല്‍, പതാകതാഴ്ത്തല്‍, ആചാരവെടി , ദേശീയഗാനം എന്നിവയാണ് സമാപന ചടങ്ങില്‍ നടക്കുന്നത്.
1896 ആതന്സ്
ആതന്‍സിലെ പനാത്തേനിയന്‍ സ്റ്റേഡിയത്തില്‍ 1896 ഏപ്രില്‍ ആറ് മുതല്‍ 15 വരെ നടന്ന മത്സരങ്ങളില്‍ 14 രാഷ്ട്രങ്ങളില്‍നിന്ന് 241 കായികതാരങ്ങളാണ് പങ്കെടുത്തത്. രാഷ്ട്രങ്ങള്‍ക്കൊന്നും ഔദ്യാഗികമായി ദേശീയടീമുകള്‍ ഇല്ലാതിരുന്നതിനാല്‍ പങ്കെടുത്ത രാജ്യങ്ങളുടെ എണ്ണത്തെ ചൊല്ലി പലര്‍ക്കും അഭിപ്രായവ്യത്യാസമുണ്ട്.
ആസ്ട്രേലിയ, ഓസ്ട്രിയ, ബള്‍ഗേറിയ, ചിലി, ഡെന്മാര്‍ക്, ഫ്രാന്‍സ്, ജര്‍മനി, ബ്രിട്ടന്‍, ഗ്രീസ്, ഹംഗറി, ഇറ്റലി, സ്വീഡന്‍, സ്വിറ്റ്സര്‍ലന്‍ഡ്, അമേരിക്ക തുടങ്ങിയ രാജ്യങ്ങളാണ് ആദ്യ ഒളിമ്പിക്സില് പങ്കെടുത്തതെന്നാണ് പൊതുവെ അംഗീകരിക്കപ്പെട്ട വിവരം. ലോകത്തിലെ പ്രമുഖ കായികതാരങ്ങളൊന്നുംതന്നെ ഇതില്‍ പങ്കെടുത്തില്ലെങ്കിലും അന്നേവരെയുള്ള ഏതൊരു കായികമത്സരത്തില്‍ പങ്കെടുത്തതിലേറെ ആളുകള്‍ ആദ്യത്തെ ഒളിമ്പിക്സ് മേളയില്‍ പങ്കെടുത്തുവെന്നത് സംഘാടകര്‍ക്ക് ആത്മവിശ്വാസമേകുന്നതായിരുന്നു.
ആദ്യ വിജയി
അത്ലറ്റിക് മത്സരങ്ങളില്‍ 12 ഇനങ്ങളാണ് നടന്നത്. ഒമ്പത് രാഷ്ട്രങ്ങളില്‍നിന്നായി 63 അത്ലറ്റുകളാണ് മത്സരങ്ങളില്‍ പങ്കെടുത്തത്. ട്രിപ്പ്ള്‍ ജമ്പില്‍ വിജയിച്ച ഹാര്‍വാഡ് യൂനിവേഴ്സിറ്റി വിദ്യാര്‍ഥി ജയിംസ് ഒ. കൊണേലിയാണ് ഒളിമ്പിക്സിലെ ആദ്യ വിജയി.
മാരത്തണ്‍ കഥ
അത്ലറ്റിക്സില്‍ മാരത്തണായിരുന്നു ശ്രദ്ധേയം. ഗ്രീക് ചരിത്രത്തിലെ ഇതിഹാസനായകനായ ഫിഡിപ്പിഡെസ് എന്ന പട്ടാളക്കാരന്‍െറ ഓര്‍മക്കായാണ് മാരത്തണ്‍ മത്സരം നടത്തിവരുന്നത്. മാരത്തണില്‍ പേര്‍ഷ്യയുമായി നടന്ന യുദ്ധത്തിനിടെ സ്പാര്‍ട്ടയുടെ സഹായമഭ്യര്‍ഥിച്ച് രണ്ടു ദിവസമെടുത്ത് ആതന്‍സില്‍ ഓടിയെത്തിയ ഫിഡിപ്പിഡെസ് യുദ്ധം വിജയിച്ചശേഷം ആ വിവരമറിയിക്കാനും ആതന്‍സില്‍ ഓടിയെത്തി. വിജയവിവരമറിയിച്ചശേഷം വീണുമരിച്ച ആ വീരയോദ്ധാവിന്‍െറ സ്മരണക്കായി ഒളിമ്പിക്സില് 40 കി.മീ. മാരത്തണ്‍ മത്സരം ഉള്‍പ്പെടുത്തിയത് കുംബര്‍ട്ടിന്‍ പ്രഭുവിന്‍െറ സുഹൃത്തായിരുന്ന മൈക്കല്‍ ബ്രയല്‍ എന്നയാളായിരുന്നു. പനാത്തേനിയന്‍ സ്റ്റേഡിയം തിങ്ങിനിറഞ്ഞ 80,000ത്തോളം ആതിഥേയ കാണികള്‍ക്കും ഗ്രീക് രാജാവ് കിങ് ജോര്‍ജ് ഒന്നാമനും ആഹ്ളാദമേകി മാരത്തണ്‍ മത്സരത്തില്‍ ഗ്രീക് താരം സ്പിരിഡന്‍ ലൂയിസായിരുന്നു ജയം കണ്ടത്. ഇതാദ്യമായിട്ടായിരുന്നു അന്താരാഷ്ട്രതലത്തില്‍ മാരത്തണ്‍ മത്സരം നടത്തിയത്.
1900 പാരിസ്
പാരിസില്‍ 1900ത്തില്‍ നടന്ന രണ്ടാം ഒളിമ്പിക്സ് ഔദ്യാഗിക ഉദ്ഘാടന, സമാപന ചടങ്ങുകള്‍ ഇല്ലാത്ത ഒരു മേളയായിരുന്നു. പാരിസില്‍ നടന്ന വ്യാപാരമേളയോടനുബന്ധിച്ച് മേയ് 14 മുതല്‍ 28 വരെയാണ് രണ്ടാം ഒളിമ്പിക്സ് നടത്തിയത്. സ്ത്രീകള്‍ക്ക് പങ്കെടുക്കാന്‍ അനുവാദം നല്‍കിയ ഇതില്‍ ക്രിക്കറ്റും ഒരു മത്സരയിനമായിരുന്നു. ഈ വര്‍ഷം മാത്രമാണ് ക്രിക്കറ്റ് മത്സരയിനമായിരുന്നത്. ഈ മേളയില്‍ സിംഗിള്‍സ്, മിക്സഡ് ഡബ്ള്‍സ് ടെന്നിസ് മത്സരങ്ങളില്‍ സ്വര്‍ണം നേടിയ ബ്രിട്ടന്‍െറ ചാര്‍ലറ്റ് കൂപ്പറാണ് ഒളിമ്പിക്സിലെ ആദ്യ വനിതാ ജേതാവ്.
1904 സെന്റ് ലൂസിയ
1904ലെ ഒളിമ്പിക്സിന്‍െറ ആതിഥേയര്‍ അമേരിക്കയിലെ സെന്റ് ലൂസിയ ആയിരുന്നു. മറ്റൊരു സംസ്ഥാനമായ ഷികാഗോയില്‍ ഒളിമ്പിക്സ് നടത്താനാണ് ഐ.ഒ.സി തീരുമാനിച്ചിരുന്നതെങ്കിലും സെന്റ് ലൂസിയയില്‍ ഒരു വ്യാപാരമേള നടക്കുന്നുണ്ടായിരുന്നതിനാല്‍ സംഘാടകര്‍ ഒളിമ്പിക്സ് അതോടൊപ്പം നടത്തണമെന്ന് വാശിപിടിക്കുകയായിരുന്നു.
ഈ മേള മുതലാണ് വിജയികള്‍ക്ക് ഔദ്യാഗികമായി സ്വര്‍ണം, വെള്ളി, ഓട് മെഡലുകള്‍ നല്‍കിത്തുടങ്ങിയത്. റഷ്യ-ജപ്പാന്‍ യുദ്ധം മൂലം പ്രമുഖ കായികതാരങ്ങള്‍ പലരും മേളയില്‍നിന്ന് വിട്ടുനിന്നതും ഒളിമ്പിക്സിന്‍െറ ശോഭ കെടുത്തി. മത്സരാര്‍ഥികളുടെ കുറവുമൂലം ആ വര്‍ഷത്തെ അമേരിക്കന്‍ ദേശീയ അത്ലറ്റിക്സ് ചാമ്പ്യന്‍ഷിപ്പും ഇതോടൊപ്പമാണ് നടത്തിയത്.
ബോക്സിങ്, ഡംബ്ബെല്‍സ്, ഫ്രീസ്റ്റൈല്‍ റെസ്ലിങ്, ഡെക്കാത്ലണ്‍ തുടങ്ങിയവയാണ് ഇതില്‍ പുതുതായി ഉള്‍പ്പെടുത്തിയ മത്സരയിനങ്ങള്‍.
പതിവുതെറ്റിച്ച് 1906
ആധുനിക ഒളിമ്പിക്സിന്‍െറ 10ാം വാര്‍ഷികത്തിന്‍െറ ഭാഗമായി നാലു വര്‍ഷത്തിലൊരിക്കല്‍ എന്ന പതിവു തെറ്റിച്ച് 1906ല്‍ ആതന്‍സില്‍ ഒരു മേള നടന്നു. എന്നാല്‍, മൂന്ന്, നാല് ഒളിമ്പിക്സുകള്‍ക്കിടയില്‍ നടന്ന ഈ മേള ഐ.ഒ.സി ഔദ്യാഗികമായി ഇനിയും അംഗീകരിച്ചിട്ടില്ല. രാജ്യങ്ങള്‍ക്ക് ദേശീയ ടീമുകള്‍ എന്ന ആശയം ഈ മേള മുതലാണ് പ്രാവര്‍ത്തികമായത്. രാജ്യങ്ങളുടെ ഔദ്യാഗിക പതാകക്കുകീഴിലാണ് രാജ്യങ്ങള്‍ പനാത്തേനിയന്‍ സ്റ്റേഡിയത്തില്‍ നടന്ന ഉദ്ഘാടനച്ചടങ്ങില്‍ പങ്കെടുത്തത്. കായികതാരങ്ങള്‍ക്ക് എന്‍.ഒ.സി രജിസ്ട്രേഷന്‍ ആരംഭിച്ചതും ഈ ഒളിമ്പിക്സ് മുതലാണ്. ഉദ്ഘാടനച്ചടങ്ങിന് പുറമെ സമാപനച്ചടങ്ങും പ്രത്യേകമായി ഇതില്‍ നടത്തിയിരുന്നു.
1908 ലണ്ടന്
1908ലെ ലണ്ടന് ഒളിമ്പിക്സ് ആണ് ഐ.ഒ.സി നാലാമത് ഒളിമ്പിക്സ് മേളയായി അംഗീകരിച്ചിരിക്കുന്നത്. റോം ആണ് ഇതിന് ആദ്യ വേദിയായി നിശ്ചയിച്ചിരുന്നതെങ്കിലും വെസൂവിയസ് അഗ്നിപര്‍വതം പൊട്ടി ഇറ്റലിയിലെ നേപ്പ്ള്‍സ് പട്ടണത്തില്‍ ഏറെ നാശനഷ്ടങ്ങളുണ്ടായതിനെ തുടര്‍ന്ന് ലണ്ടനിലേക്ക് മാറ്റുകയായിരുന്നു. മാരത്തണ്‍ ദൂരം 25 മൈല്‍ എന്നതില്‍നിന്ന് 26 (42.195 കി.മീ.) മൈല്‍ ആയി നിജപ്പെടുത്തിയത് ഈ മേള മുതലാണ്. മത്സരങ്ങളില്‍ ശാസ്ത്രീയമായ രീതിയില്‍ വിധിനിര്‍ണയങ്ങളും മറ്റു രാജ്യങ്ങളില്‍നിന്നുള്ള വിധികര്‍ത്താക്കളെ പങ്കെടുപ്പിച്ചുതുടങ്ങിയതും ശീതകാലമത്സരങ്ങള്‍ ഉള്‍ക്കൊള്ളിച്ചതുമെല്ലാം ഈ മേള മുതലാണ്.
1912 സ്റ്റോക്ഹോം
മുന്‍ ഒളിമ്പിക്സുകളെ അപേക്ഷിച്ച് സംഘാടനശേഷികൊണ്ട് മികവുറ്റ 1912ലെ സ്റ്റോക്ഹോം ഒളിമ്പിക്സിനെ ‘സ്വീഡിഷ് മാസ്റ്റര്‍പീസ്’ എന്ന് പേരിട്ട് ഐ.ഒ.സി ഭാരവാഹികളടക്കം പ്രശംസകള്‍കൊണ്ട് മൂടിയിരുന്നു. ഫിനിഷിങ് സമയവും മറ്റും നിര്‍ണയിക്കാന്‍ ഇലക്ട്രിക് ടൈമിങ് സിസ്റ്റം, പബ്ളിക് അഡ്രസ് സിസ്റ്റം എന്നിവ ഈ ഒളിമ്പിക്സിലാണ് ആദ്യമായി ഉപയോഗിച്ചത്.
യുദ്ധകാലത്തെ ഒളിമ്പിക്സുകള്‍
ഒന്നാം ലോകയുദ്ധത്തെ തുടര്‍ന്ന് 1916ലെ ഒളിമ്പിക്സും രണ്ടാം ലോകയുദ്ധത്തെ തുടര്‍ന്ന് 1940ലെയും 1944ലെയും ഒളിമ്പിക്സുകള്‍ ഉപേക്ഷിക്കേണ്ടിവന്നത് കായികപ്രേമികളുടെ മനസ്സില്‍ തീരാനൊമ്പരമായി. ഒന്നാം ലോകയുദ്ധം അവസാനിച്ചതിന് തൊട്ടുടനെ നടന്ന 1920ലെ ആന്‍റ്വെര്‍പ്പ് ഗെയിംസില്‍ യുദ്ധത്തിന് കാരണക്കാരായ ജര്‍മനി, ഓസ്ട്രിയ, ബള്‍ഗേറിയ, തുര്‍ക്കി, ഹംഗറി എന്നീ രാജ്യങ്ങളെ ഈ മേളയിലേക്ക് ഐ.ഒ.സി ക്ഷണിച്ചിരുന്നില്ല.
1924ലെ പാരിസ് ഒളിമ്പിക്സിലും ഇവര്‍ക്ക് ക്ഷണം ഉണ്ടായിരുന്നില്ല. പുതുതായി രൂപവത്കരിച്ച സോവിയറ്റ് യൂനിയന് ഐ.ഒ.സി ക്ഷണപത്രം അയച്ചിരുന്നെങ്കിലും ഒളിമ്പിക്സില് പങ്കെടുക്കേണ്ടതില്ല എന്ന നിലപാടിലായിരുന്നു ഈ കമ്യൂണിസ്റ്റ് രാഷ്ട്രം. 1952 വരെ സോവിയറ്റ് യൂനിയന് ഒളിമ്പിക്സില്‍നിന്ന് ഒഴിഞ്ഞാണ് നിന്നിരുന്നത്. യുദ്ധം യൂറോപ്പിനെ ആകെ തകര്‍ത്തെറിഞ്ഞതിനാല്‍ പരിമിതികളുടെ നിഴലിലായിരുന്നു ഈ ഒളിമ്പിക്സില് മത്സരങ്ങള്‍ നടന്നത്. കാണികളും കുറവായതിനാല്‍ ബെല്‍ജിയത്തിന് മേളയുടെ നടത്തിപ്പില്‍ 600 മില്യന്‍ ഫ്രാങ്കാണ് നഷ്ടമുണ്ടായത്.
1924 ചാമോണിക്സ്
29 രാഷ്ട്രങ്ങളില്‍നിന്നായി 2500ഓളം അത്ലറ്റുകള്‍ പങ്കെടുത്ത ഈ മേളയിലാണ് ആദ്യമായി ഒളിമ്പിക്സിന്‍െറ ഔദ്യാഗിക പതാക ഉയര്‍ന്നത്. ആധുനിക ഒളിമ്പിക്സിന്‍െറ പിതാവായ കുംബര്‍ട്ടിന്‍ പ്രഭു ഐ.ഒ.സി അധ്യക്ഷസ്ഥാനത്തുനിന്ന് വിരമിച്ചത് 1924ലെ പാരിസ് ഒളിമ്പിക്സിലാണ്. ശീതകാല ഒളിമ്പിക്സ് എന്ന ആശയവും ഈ ഒളിമ്പിക്സിലാണ് ആദ്യമായി ഉയര്‍ന്നുവന്നത് (ഫ്രാന്‍സിലെ ചാമോണിക്സിലായിരുന്നു ആദ്യ ശീതകാല ഒളിമ്പിക്സ്. ഒളിമ്പിക്സിന് കുറച്ചു മാസങ്ങള്‍ക്കുമുമ്പ് ശീതകാല ഒളിമ്പിക്സ് നടത്താനായിരുന്നു പദ്ധതി. 1992 വരെ ഇങ്ങനെയാണ് നടന്നുവന്നിരുന്നത്).
1928 ഒളിമ്പിക് ജ്വാല
വനിതകള്‍ക്ക് പ്രത്യേകം ട്രാക് ആന്‍ഡ് ഫീല്‍ഡ് മത്സരങ്ങളും ജിംനാസ്റ്റിക്സ് മത്സരങ്ങളും ഉള്‍ക്കൊള്ളിച്ചുള്ള 1928ലെ ആംസ്റ്റര്‍ഡാം ഒളിമ്പിക്സിലാണ് ‘ഒളിമ്പിക് ജ്വാല’ ആദ്യമായി അവതരിപ്പിക്കപ്പെടുന്നത്.
1932 ഒളിമ്പിക് വില്ലേജ്
1932ലെ ലോസ് ആഞ്ജലസ് ഗെയിംസിലാണ് ഒളിമ്പിക് വില്ലേജ് എന്ന ആശയം ആദ്യം അവതരിപ്പിക്കപ്പെടുന്നത്. ലോസ് ആഞ്ജലസിലേക്കുള്ള ദൂരവും ചെലവും മറ്റും കണക്കിലെടുത്ത് കൂടുതല്‍ രാജ്യങ്ങള്‍ ഈ മേളയില്‍ പങ്കെടുക്കില്ലെന്നായിരുന്നു കരുതിയിരുന്നത്. ഒളിമ്പിക്സ് ആരംഭിക്കുന്നതിന് ആറ് മാസം മുമ്പുവരെ ഒറ്റ രാജ്യംപോലും ഒളിമ്പിക്സ് ക്ഷണത്തോട് അനുകൂലമായി പ്രതികരിച്ചിരുന്നില്ല. ഓട്ടമത്സരങ്ങളിലെയും മറ്റും കൃത്യമായ വിധിനിര്‍ണയത്തിന് ഫോട്ടോഫിനിഷ് കാമറകളും മറ്റും ഇവിടെയാണ് ആദ്യം പരീക്ഷിക്കപ്പെട്ടത്. ‘പറക്കും ഫിന്‍’ പാവോ നൂര്‍മിയെ ഈ ഒളിമ്പിക്സില് പങ്കെടുക്കാന്‍ അനുവദിക്കാതിരുന്നതും വേദനയായി.
1936 ദീപശിഖ
1931ലെ ഐ.ഒ.സിയുടെ പ്രത്യേകയോഗം 1936ലെ ഒളിമ്പിക്സ് ബെര്ലിന് അനുവദിച്ചു നല്‍കി രണ്ടു വര്‍ഷം കഴിഞ്ഞാണ് നാസികള്‍ ജര്‍മനിയുടെ അധികാരം പിടിക്കുന്നത്. നാസി ഭരണത്തിന്‍ കീഴിലുള്ള ജര്‍മനിയിലെ മേള ബഹിഷ്കരിക്കാന്‍ തീരുമാനിച്ചിരുന്നെങ്കിലും അമേരിക്കയടക്കം പല രാജ്യങ്ങളും അവസാന നിമിഷം ബെര്ലിന് മേളയില്‍ പങ്കെടുക്കാന്‍ തീരുമാനിച്ചു. ബെര്ലിന് ഒളിമ്പിക്സ് മുതലാണ് ഒളിമ്പിക്സ് ദീപശിഖാപ്രയാണം ആരംഭിച്ചത്. ഹിറ്റ്ലറുടെ വംശീയഹുങ്കിന്മേല്‍ കറുപ്പിന്‍െറ കരുത്തിന്‍െറ പ്രതീകമായി കുതിച്ചുകയറിയ ജെസി ഓവന്‍സാണ് ഈ മേളയിലെ ഹീറോ. ആര്യന്‍വംശമേധാവിത്വമെന്ന ഹിറ്റ്ലറുടെ സങ്കല്‍പം തകര്‍ത്തെറിഞ്ഞ് അമേരിക്കയുടെ ഈ ‘കറുത്ത മുത്ത്’ നാല് സ്വര്‍ണമെഡലുകളാണ് നേടിയത്. 49 രാഷ്ട്രങ്ങളെ പ്രതിനിധാനം ചെയ്ത് നാലായിരത്തിലധികം കായികതാരങ്ങളാണ് ഇവിടെ പങ്കെടുത്തത്.
യുദ്ധ ഇടവേള 1948
രണ്ടാം ലോകയുദ്ധം കാരണം 12 വര്‍ഷങ്ങള്‍ക്കുശേഷമാണ് 1948ല്‍ ലണ്ടനില്‍ അടുത്ത ഒളിമ്പിക്സ് നടന്നത്. രണ്ടാം ലോകയുദ്ധം യൂറോപ്പിനെ, പ്രത്യേകിച്ച് ബ്രിട്ടനെ തകര്‍ത്തെറിഞ്ഞതിനാല്‍ ഒളിമ്പിക്സിന് പകരം പ്രത്യേക മഹോത്സവം നടത്തിയാല്‍ മതിയെന്ന് അഭിപ്രായമുയര്‍ന്നിരുന്നെങ്കിലും ഒളിമ്പിക്സ് പുനരാരംഭിക്കാന്‍ ഐ.ഒ.സി തീരുമാനിക്കുകയായിരുന്നു. ബ്രിട്ടന്‍െറ സാമ്പത്തിക പരാധീനത കണക്കിലെടുത്ത് പങ്കെടുത്ത കായികതാരങ്ങള്‍ സ്വന്തമായി ഭക്ഷണം കൊണ്ടുവരുകയായിരുന്നു. അധികമുള്ള ഭക്ഷണം ബ്രിട്ടീഷ് നിവാസികള്‍ക്ക് നല്‍കുകയും ചെയ്തു. യുദ്ധത്തില്‍ കാര്യമായ കേടുപാടുകള്‍ പറ്റാതിരുന്ന വെംബ്ളി സ്റ്റേഡിയത്തിലാണ് മത്സരങ്ങള്‍ നടന്നത്. ഒളിമ്പിക്സ് വില്ലേജ് നിര്‍മിക്കാതിരുന്നതിനാല്‍ ആണ് കായികതാരങ്ങള്‍ സമീപത്തെ പട്ടാളക്യാമ്പിലും പെണ്‍ കായികതാരങ്ങള്‍ സമീപത്തെ കോളജിന്‍െറ ഡോര്‍മെറ്ററിയിലുമാണ് താമസിച്ചിരുന്നത്. രണ്ടാം ലോകയുദ്ധത്തിലെ പ്രധാന കക്ഷികളായിരുന്ന അമേരിക്കയെയും ജപ്പാനെയും ഈ ഒളിമ്പിക്സിലേക്ക് ക്ഷണിച്ചിരുന്നില്ല.
1952 ഹെല്‍സിങ്കി
ശീതയുദ്ധം പ്രതിഫലിച്ച ഒന്നായിരുന്നു 1952ലെ ഹെല്‍സിങ്കി ഒളിമ്പിക്സ്. 1912ല്‍ രൂപംകൊണ്ടശേഷം ഒളിമ്പിക്സ് ബഹിഷ്കരിച്ചിരുന്ന സോവിയറ്റ് യൂനിയന് ഹെല്‍സിങ്കി മേള മുതല്‍ ഒളിമ്പിക്സില് പങ്കുചേരാന്‍ തീരുമാനിക്കുകയായിരുന്നു. എന്നാല്‍, മറ്റ് കായികതാരങ്ങള്‍ക്കൊപ്പം ഒളിമ്പിക്സ് വില്ലേജില്‍ താമസിക്കാന്‍ തയാറാകാതിരുന്ന സോവിയറ്റ് താരങ്ങള്‍ സമീപത്തുണ്ടായിരുന്ന സോവിയറ്റ് നേവല്‍ബേസിനടുത്ത് പ്രത്യേക വില്ലേജ് സ്ഥാപിച്ചാണ് താമസിച്ചത്.
1956 മെല്‍ബണ്‍
1956ല്‍ മെല്‍ബണിലായിരുന്നു ഒളിമ്പിക്സ്. ആസ്ട്രേലിയന്‍ ഉപഭൂഖണ്ഡത്തിലേക്ക് ആദ്യമായി വിരുന്നിനെത്തിയ ഒളിമ്പിക്സ് പക്ഷേ, രാഷ്ട്രീയപ്രശ്നങ്ങളാല്‍ നിറംമങ്ങിയ അവസ്ഥയിലായിരുന്നു.
ഇസ്രായേലിന്‍െറ ഈജിപ്ത് അധിനിവേശത്തില്‍ പ്രതിഷേധിച്ച് ഈജിപ്ത്, ഇറാഖ്, ലബനാന്‍ എന്നീ രാജ്യങ്ങളും സോവിയറ്റ് യൂനിയന്‍െറ ബുഡപെസ്റ്റിലേക്കുള്ള കടന്നുകയറ്റത്തില്‍ പ്രതിഷേധിച്ച് നെതര്‍ലന്‍ഡ്, സ്പെയിന്‍, സ്വിറ്റ്സര്‍ലന്‍ഡ് എന്നീ രാജ്യങ്ങളും മെല്‍ബണ്‍ ഒളിമ്പിക്സ് ബഹിഷ്കരിച്ചു.
സമാപനചടങ്ങുകള്‍ പ്രത്യേകം നടത്തിത്തുടങ്ങിയത് മെല്‍ബണ്‍ ഒളിമ്പിക്സ് മുതലാണ്.
1960 വീണ്ടും റോമില്‍
1904ലെ ഒളിമ്പിക്സ് റോമില്‍ നടത്തണമെന്നത് ആധുനിക ഒളിമ്പിക്സിന്‍െറ സ്ഥാപകനായിരുന്ന കുംബര്‍ട്ടിന്‍ പ്രഭുവിന്‍െറ ആഗ്രഹമായിരുന്നു. എന്നാല്‍, 56 വര്‍ഷങ്ങള്‍ക്കുശേഷം 1960ലാണ് ഒളിമ്പിക്സ് റോമിലേക്കെത്തിയത്്. പൂര്‍ണമായും ടെലിവിഷനില്‍ സംപ്രേഷണം ചെയ്ത ഒളിമ്പിക്സ് ഇതാണ്. നഗ്നപാദനായി മാരത്തോണില്‍ സ്വര്‍ണം നേടിയ ഇത്യോപ്യന്‍ താരം അബീബി ബിക്കിലയായിരുന്നു റോം ഒളിമ്പിക്സിലെ താരം. ബോക്സിങ് താരം കാഷ്യസ് ക്ളേ എന്ന മുഹമ്മദലി സ്വര്‍ണം നേടിയത് റോം ഒളിമ്പിക്സിലായിരുന്നു.
1964 ടോക്യോ
1964ലെ ടോക്യോ ഒളിമ്പിക്സില് ഇന്തോനേഷ്യ, നോര്‍ത് കൊറിയ, ദക്ഷിണാഫ്രിക്ക തുടങ്ങിയ രാജ്യങ്ങള്‍ പങ്കെടുത്തിരുന്നില്ല. തങ്ങളുടെ നിരവധി കായികതാരങ്ങള്‍ അയോഗ്യരാക്കപ്പെട്ടതില്‍ പ്രതിഷേധിച്ചാണ് ഇന്തോനേഷ്യയും നോര്‍ത് കൊറിയയും തങ്ങളുടെ കായികതാരങ്ങളെ പിന്‍വലിച്ചത്. വര്‍ണവിവേചനനയം പിന്തുടരുന്ന ദക്ഷിണാഫ്രിക്കയെ ഈ ഒളിമ്പിക്സില് പങ്കെടുക്കാന്‍ അനുവദിച്ചിരുന്നില്ല. ഫലപ്രഖ്യാപനത്തില്‍ കമ്പ്യൂട്ടര്‍ ഉപയോഗിച്ചത് ഈ ഒളിമ്പിക്സ് മുതലാണ്.
1968 മെക്സികോ സിറ്റി
ഉത്തേജകമരുന്ന് പരിശോധന ആരംഭിച്ചത് 1968ലെ മെക്സികോ സിറ്റി ഒളിമ്പിക്സ് മുതലാണ്. ഒളിമ്പിക്സ് ആരംഭിക്കുന്നതിന് 10 ദിവസം മുമ്പ് അവകാശങ്ങള്‍ക്കുവേണ്ടി തെരുവിലിറങ്ങിയ വിദ്യാര്‍ഥികള്‍ക്കുനേരെ മെക്സിക്കന്‍ പട്ടാളം നടത്തിയ വെടിവെപ്പില്‍ 267 പേര് മരിച്ചതിനാല്‍ ഏറെ സംഘര്‍ഷഭരിതമായ അവസ്ഥയിലായിരുന്നു ഒളിമ്പിക്സ് നടന്നത്. 200 മീറ്റര്‍ ഓട്ടത്തില്‍ സ്വര്‍ണം, ഓട്ടുമെഡലുകള്‍ നേടിയ അമേരിക്കന്‍ ടീമിലെ ടോമി സ്മിത്തും ജോണ്‍ കാര്‍ലോസും വിക്ടറി സ്റ്റാന്‍ഡില്‍ അമേരിക്കയുടെ ദേശീയഗാനം ആലപിക്കവെ കൈയില്‍ കറുത്തതുണി ചുരുട്ടിപ്പിടിച്ച് ഉയര്‍ത്തിക്കാണിച്ചത് ഏറെ ശ്രദ്ധേയമായിരുന്നു. അമേരിക്കയിലെ കറുത്ത വര്‍ഗക്കാര്‍ നേരിടുന്ന അവസ്ഥ ലോകത്തെ ധരിപ്പിക്കാന്‍ ലക്ഷ്യമിട്ടായിരുന്നു ഈ പരസ്യ പ്രതിഷേധം. എന്നാല്‍, പ്രാദേശിക രാഷ്ട്രീയപ്രശ്നങ്ങളെ ഒളിമ്പിക്സില് വലിച്ചിഴച്ചതായി ആരോപിച്ച് ഐ.ഒ.സി ഈ രണ്ടു താരങ്ങളെയും തുടര്‍ന്നുള്ള മത്സരങ്ങളില്‍ പങ്കെടുക്കുന്നതില്‍നിന്ന് വിലക്കി.
ചോര ചിന്തിയ 1972
ചോരചിന്തിയ ഒളിമ്പിക്സായിരുന്നു 1972ലെ മ്യൂണിക് ഒളിമ്പിക്സ്. ഒളിമ്പിക്സിന് തൊട്ടുമുന്നിലെ ദിവസമായ സെപ്റ്റംബര്‍ അഞ്ചിന് ഒളിമ്പിക്സ് ഗ്രാമത്തില്‍ നുഴഞ്ഞുകയറിയ എട്ടംഗ ഫലസ്തീന്‍ ഗറിലകള്‍ 11 ഇസ്രായേലി കായികതാരങ്ങളെ ബന്ദികളാക്കി പിടികൂടുകയായിരുന്നു. രണ്ട് കായികതാരങ്ങള്‍ ആദ്യമേ കൊല്ലപ്പെട്ടു. ബാക്കി കായികതാരങ്ങളെ വിട്ടയക്കണമെങ്കില്‍ തടവിലുള്ള 234 ഫലസ്തീന്‍കാരെ വിട്ടയക്കണമെന്നതായിരുന്നു ആവശ്യം. ഇവരെ മോചിപ്പിക്കാന്‍ സൈന്യവും മറ്റും നടത്തിയ ഇടപെടലില്‍ ബാക്കി കായികതാരങ്ങളും അഞ്ച് ഗറിലകളും കൊല്ലപ്പെട്ടു. മൂന്നുപേരെ തടവുകാരായി പിടികൂടുകയും ചെയ്തു. മാറ്റിവെക്കണമെന്ന് ആവശ്യമുയര്‍ന്നെങ്കിലും ഒളിമ്പിക്സ് നിശ്ചയിച്ചതിലും ഒരു ദിവസം കഴിഞ്ഞ് ആരംഭിക്കാനായിരുന്നു ഐ.ഒ.സിയുടെ തീരുമാനം.
1976 മോണ്‍ട്രിയാല്‍
26 ആഫ്രിക്കന്‍ രാജ്യങ്ങളാണ് 1976ലെ മോണ്‍ട്രിയാല്‍ ഗെയിംസ് ബഹിഷ്കരിച്ചത്. ന്യൂസിലന്‍ഡിന്‍െറ റഗ്ബി ടീം ദക്ഷിണാഫ്രിക്കയില്‍ പര്യടനം നടത്തിയതിനാല്‍ ന്യൂസിലന്‍ഡിനെ ഒളിമ്പിക്സില്‍നിന്ന് വിലക്കണമെന്നതായിരുന്നു ആഫ്രിക്കന്‍ രാഷ്ട്രങ്ങളുടെ ആവശ്യം. എന്നാല്‍, റഗ്ബി ടീമിന്‍െറ പര്യടനത്തില്‍ ഇടപെടാനാവില്ലെന്നായിരുന്നു ഐ.ഒ.സി നിലപാട്. തായ്വാനും മോണ്‍ട്രിയാലില്‍ പങ്കെടുക്കാന്‍ അവസരം ലഭിച്ചിരുന്നില്ല. ഉത്തേജകമരുന്ന് വിവാദങ്ങളും ഈ ഒളിമ്പിക്സിന്‍െറ ശോഭ കെടുത്തുന്നതായിരുന്നു.
1980 മോസ്കോ
ബഹിഷ്കരണം തന്നെയായിരുന്നു 1980ലെ മോസ്കോ ഒളിമ്പിക്സിലും കണ്ടത്. സോവിയറ്റ് യൂനിയന്‍െറ അഫ്ഗാന്‍ അധിനിവേശത്തില്‍ പ്രതിഷേധിച്ച് അമേരിക്കയടക്കം 61 രാഷ്ട്രങ്ങളാണ് വിട്ടുനിന്നത്. ഫ്രാന്‍സ്, ബ്രിട്ടന്‍, ഇറ്റലി, സ്വീഡന്‍ എന്നീ രാഷ്ട്രങ്ങള്‍ ബഹിഷ്കരണത്തില്‍ പങ്കാളികളായില്ല.
1984 ലോസ് ആഞ്ജലസ്
മോസ്കോ ഒളിമ്പിക്സ് ബഹിഷ്കരിച്ചതില്‍ പ്രതിഷേധിച്ച് 1984ലെ ലോസ് ആഞ്ജലസ് ഗെയിംസില്‍നിന്ന് സോവിയറ്റ് യൂനിയനും സഖ്യരാഷ്ട്രങ്ങളും വിട്ടുനിന്നു. 1932നുശേഷം ചൈന ആദ്യമായി വിശ്വ കായികമേളക്കെത്തിയതും ലോസ് ആഞ്ജലസിലായിരുന്നു. കോര്‍പറേറ്റ് കമ്പനികള്‍ ഒളിമ്പിക്സ് സ്പോണ്‍സര്‍മാരായി രംഗത്തിറങ്ങിയതും ഈ വര്‍ഷം മുതലാണ്. 1932നുശേഷം നടത്തിപ്പില്‍ ലാഭമുണ്ടായ ഏക ഒളിമ്പിക്സും ഇതാണ്. 225 മില്യന്‍ ഡോളറാണ് സ്പോണ്‍സര്‍ഷിപ്പിലൂടെയും മറ്റും ലാഭമുണ്ടാക്കിയത്.
1988 സോള്‍
ബഹിഷ്കരണം ഒഴിയുന്നില്ലെന്ന് കാണിച്ചാണ് 1988ലെ സോള്‍ ഒളിമ്പിക്സിനും കൊടിയുയര്‍ന്നത്. സോളിന് ഒപ്പം ആതിഥേയത്വം വഹിക്കാന്‍ അവസരം നല്‍കിയില്ലെന്നാരോപിച്ച് ഉത്തരകൊറിയ വിട്ടുനിന്നപ്പോള്‍ ഇത്യോപ്യയും ക്യൂബയും മാത്രമേ അവര്‍ക്കൊപ്പം ഉണ്ടായിരുന്നുള്ളൂ. ഉത്തേജകമരുന്ന് ഉപയോഗവും ഈ വിശ്വമേളയില്‍ ഏറെയായിരുന്നു. കാനഡയുടെ ലോകപ്രശസ്ത അത്ലറ്റ് ബെന്‍ജോണ്‍സണ്‍ അടക്കം നിരവധി പേരാണ് നിരോധിത മരുന്നുകള്‍ ഉപയോഗിച്ച് വിലക്ക് ഏറ്റുവാങ്ങിയത്.
1992 ബാഴ്സലോണ
മുപ്പത് വര്‍ഷങ്ങള്‍ക്കുശേഷം വിട്ടുനില്‍ക്കാതെ എല്ലാ രാജ്യങ്ങളും പങ്കെടുത്ത ഒളിമ്പിക്സായിരുന്നു 1992ലെ ബാഴ്സലോണ ഒളിമ്പിക്സ്. സോവിയറ്റ് യൂനിയന് തകര്‍ന്നതിനാല്‍ ഒരു കുടക്കീഴില്‍ മത്സരത്തിനിറങ്ങിയ റഷ്യയടക്കം മുന്‍ സോവിയറ്റ് റിപ്പബ്ളിക്കിലെ രാഷ്ട്രങ്ങളാണ് മെഡല്‍നിലയില്‍ മുന്നിലെത്തിയത്. ജര്‍മനി ഒറ്റ രാഷ്ട്രമായി മത്സരത്തിനിറങ്ങിയതും ദക്ഷിണാഫ്രിക്കയെ മത്സരത്തില്‍ പങ്കെടുക്കാന്‍ അനുവദിച്ചതുമെല്ലാം ബാഴ്സലോണ ഒളിമ്പിക്സിനെ ശ്രദ്ധേയമാക്കി. ബേസ്ബാള്‍ മത്സരയിനത്തില്‍ ഉള്‍പ്പെടുത്തിയതും ബാഴ്സലോണയിലാണ്.
1996 അത്ലാന്‍റ
സര്‍ക്കാറിന്‍െറ ഒരു സഹായവുമില്ലാതെയാണ് 1996ലെ അത്ലാന്‍റ ഗെയിംസ് സംഘടിപ്പിച്ചത്. കാള്‍ ലൂയിസ് ഒമ്പതാമത് ഒളിമ്പിക് മെഡല്‍ നേടി ചരിത്രം കുറിച്ചത് അത്ലാന്‍റ ഒളിമ്പിക് മേളയിലാണ്. ഹോങ്കോങ്, ഫലസ്തീന്‍ അടക്കം 197 രാജ്യങ്ങളില്‍നിന്ന് 10,000ത്തോളം കായികതാരങ്ങളാണ് ഇതില്‍ പങ്കെടുത്തത്. മത്സരങ്ങള്‍ക്കിടെ അത്ലാന്‍റയിലെ സെന്‍റിനെന്‍റല്‍ ഒളിമ്പിക് പാര്‍ക്കില്‍ പൈപ്പ് ബോംബ് പൊട്ടി രണ്ടുപേര്‍ മരിച്ചത് മത്സരങ്ങളെ ഭീതിയുടെ നിഴലിലാഴ്ത്തിയിരുന്നു.
2000 സിഡ്നി
അഫ്ഗാനിസ്താന്‍ ഒഴിച്ച് 199 ഐ.ഒ.സി രാജ്യങ്ങളുടെ റെക്കോഡ് സാന്നിധ്യത്തിലാണ് സിഡ്നി ഒളിമ്പിക്സിന് കൊടിയേറിയത്. ഉത്തര-ദക്ഷിണ കൊറിയകള്‍ സിഡ്നി മേളയില്‍ ഒറ്റടീമായി മത്സരിച്ചതും ശ്രദ്ധേയമായി. ആസ്ട്രേലിയയുടെ 17 വയസ്സുകാരനായ നീന്തല്‍താരം ഇയാന്‍ തോര്‍പ്പായിരുന്നു സിഡ്നിമേളയിലെ ശ്രദ്ധേയ താരങ്ങളിലൊന്ന്.
2004 ആതന്സ്
വര്‍ഷമേറെകഴിഞ്ഞ് 2004ല്‍ ആതന്‍സില്‍ തിരിച്ചെത്തിയ വിശ്വകായികമേളയില്‍ 201 രാജ്യങ്ങളില്‍നിന്നായി പതിനായിരത്തിലധികം കായികതാരങ്ങളാണ് പങ്കെടുത്തത്. 28 വിഭാഗങ്ങളിലായി 301 മത്സരങ്ങളാണ് ആതന്സ് ഒളിമ്പിക്സിനുണ്ടായിരുന്നത്. ആതന്സ് ഒളിമ്പിക്സിന്‍െറ ഉദ്ഘാടന ചടങ്ങുകള്‍ ഏറെ അഭിനന്ദനങ്ങള്‍ പിടിച്ചുപറ്റിയതായിരുന്നു. ഗ്രീസിന്‍െറ ഒളിമ്പിക്സ് പാരമ്പര്യത്തെ ചാരുതയാര്‍ന്ന ദൃശ്യവിരുന്നിലൂടെ കാണികളിലേക്കെത്തിച്ച ഉദ്ഘാടന പരിപാടി രൂപകല്‍പന ചെയ്തത് ദിമിത്രി പാപ്പയെനോ എന്നയാളാണ്. ഇന്‍റര്‍നെറ്റിലൂടെ ഒളിമ്പിക്സ് ദൃശ്യങ്ങളുടെ വീഡിയോ സംപ്രേഷണം ആരംഭിച്ചത് ഈ വര്‍ഷം മുതലാണ്. വനിതകളുടെ റെസ്ലിങ് ഈ വര്‍ഷം മുതലാണ് ഉള്‍പ്പെടുത്തിയത്.
Subscribe to:
Posts (Atom)