വിദ്യാർത്ഥികളുടെ പിറന്നാള്‍ സമ്മാനങ്ങൾ നിർധന കുട്ടികളെ സഹായിക്കുന്നതിന് വേണ്ടി 'സഹചാരി സ്കൂൾ ഫണ്ട്' എന്ന പദ്ധതിക്ക് ചിറ്റിലഞ്ചേരി പി.കെ.എം.എ.യു.പി. സ്കൂളിൽ തുടക്കം കുറിച്ചു. വിദ്യാർത്ഥികൾ അവരുടെ പിറന്നാൾ ആഘോഷം മധുരം വിതരണം ചെയ്യുന്നതിനു പകരം ആ തുക സഹചാരി സ്കൂൾ ഫണ്ടിലേക്ക് നൽകും. കുട്ടികളെ സ്കൂൾ അസംബ്ലിയിൽ വെച്ച് ആശംസിക്കുകയും അഭിനന്ദിക്കുകയും ചെയ്യും. ഈ സമാഹരിച്ച തുക സഹചാരി എന്ന പേരിൽ അർഹതപ്പെട്ട പാവപ്പെട്ട കുട്ടികൾക്ക് വേണ്ടി വിനിയോഗിക്കും.
ഇന്ന് ആറാം തരത്തിലെ നാസിൻ തന്റെ പിറന്നാൾ ഫണ്ട് ഹെഡ് മാസ്റ്റർ കെസി ബാബുദാസിന് നൽകി പദ്ധതിക്ക് തുടക്കം കുറിച്ചു.
